Hasiberriak taldeak gonbita egin zion Eguzki Lore taldeari hamaiketakoa egiteko. Haiek gonbita onartu eta euskaltegira hurbildu ziren Hasiberriak taldekoak asteartean.
Lehenik eta behin, jolasa egin zuten elkar ezagutzeko. Ikasle bakoitzak beste baten papera zuen zenbait daturekin eta elkarri galderak eginez, pertsona hura aurkitu behar izan zuten. Jarraian, bikotekidea aurkeztu behar izan zuten.
Bukatzeko, hamaiketakoa egin zuten eta elkarrekin solasean aritu ziren euskal musika entzunez.
Hurrengoan Eguzki Lore taldekoak joango omen dira bisitan Urdanetako liburutegira. Zain izango dira Hasiberriak taldekoak!
iruzkinik ez:
Argitaratu iruzkina