Apirileko hitz ezkutua

Hemen doa apirileko hitz ezkutua lehiaketako lehenengo pista.  Zer ote da?

 

1. pista: Euskal Herrian 19 daude, eta bakoitzak bere kodea dauka.

Jokoaren arauak: 

• Astero pista bat emango dugu, hiru guztira. Lehenengo pistarekin, bigarrenarekin zein hirugarrenarekin eman dezakezu erantzuna. Aste batetik bestera erantzuna alda dezakezu, baina puntuazioa desberdina izango da: lehenengo pistarekin asmatzen baduzu, hiru puntu lortuko dituzu; bigarren pistarekin asmatuz gero, bi puntu, eta hirugarrenarekin asmatuta, puntu bat. Amaieran, laugarren astean, erantzuna jakinaraziko dugu blogean. Puntu gehien lortu dutenen artean zozketatuko da hilabeteko saria.
  
  
• Erantzuna nola eman:
  Erantzuna emateko, esteka honetan sakatu eta idatzi eskatuko zaizkizun datuak: erantzuna, izen-abizenak eta harremanetarako telefono zenbaki bat.
  

       Idatzi hemen zure erantzuna:

       https://labur.eus/hitz_ezkutuamen

Apirileko ekintzak

Amaia Egidazu idazle eta ilustratzaileak ongi erakutsi zigun atzo ipuinak ez direla bakarrik haurrentzat. Ahoz-aho 2025 ekimenaren baitan, ipuin kontaketa bikaina eskaini zigun Egidazuk Ordiziako Barrena Kultur-etxean. 

Bestalde, gogoratu Hitzaro euskara elkarteak Leintz Gatzagako gatz museoa ikusteko antolatutako irteera apirilaren 11an izango dela. Bihar amaituko da izen ematea. 

Martxoko hitz ezkutua. Irabazlea

Arratsalde on!  

Hainbatek asmatu bezala,  Mielotxin da martxoko lehiaketako hitz ezktuta. Nork irabazi du zozketa? Ikusi bideoa. 

 

 

talo tailerra

Urtero bezala, aurten ere egin dugu talo tailerra Arriarango Intxaurpe elkartean. Segurako talogileek taloa nola egin azaldu zieten ikasleei, eta berehala jarri ziren lanean. Baina, hainbatetan gertatzen den bezala, aldea dago teoriatik praktikara, eta guztiei ez zitzaien taloa lehenengoan atera. Inork ez zuen etsi, ordea: lehenengoan izan ez bazen bigarrenean edo hirugarrenean, baina guztiek lortu zuten, azkenean, itxura bikaineko taloak egitea. Behin taloa eginda, barruan zer sartu, aukeran:  hirugiharra, gazta, txistorra eta txokolatea, banaka zein konbinatuta.

Euskaltegitik kanpo arratsalde bikaina euskaraz solasean pasa genuen. Datorren urtean berriro elkartuko gara Arriaranen.

Martxoko hitz ezkutua: hirugarren pista

 

Astelehen on! Hemen duzue martxoko hitz ezkutua lehiaketako hirugarren pista. Zer ote da?

1. pista: Hiru metro inguru neurtzen du.

2. pista: Uste denez, lapurra omen zen. 

3. pista:  Urtero epaitu eta erre egiten dute.

Jokoaren arauak: 

• Astero pista bat emango dugu, hiru guztira. Lehenengo pistarekin, bigarrenarekin zein hirugarrenarekin eman dezakezu erantzuna. Aste batetik bestera erantzuna alda dezakezu, baina puntuazioa desberdina izango da: lehenengo pistarekin asmatzen baduzu, hiru puntu lortuko dituzu; bigarren pistarekin asmatuz gero, bi puntu, eta hirugarrenarekin asmatuta, puntu bat. Amaieran, laugarren astean, erantzuna jakinaraziko dugu blogean. Puntu gehien lortu dutenen artean zozketatuko da hilabeteko saria.
  
  
• Erantzuna nola eman:
  Erantzuna emateko, esteka honetan sakatu eta idatzi eskatuko zaizkizun datuak: erantzuna, izen-abizenak eta harremanetarako telefono zenbaki bat.
  

       Idatzi hemen zure erantzuna:

       https://labur.eus/hitz_ezkutua