2021/06/24

Agur bideoa Cristinaren eskutik!

Zoragarria bideoa, Cristina! 



2021/06/21

Ikasturte amaierako txangoak

2020-2021 ikasturtea ziztu bizian pasatu zaigu eta zorionez, klaseek ez dute etenik izan. Eginiko esfortzuaren ondoren, merezitako atsedena izango dute ikasleek. Hala ere, udako oporren aurretik irteerak egiten dabiltza ikasturte amaiera ospatzeko; adibidez, Zegamako taldeak Aierdira eta Ordiziako azokara egin du bisita. Horien irudi eta bideoa duzue jarraian: 


 



2021/06/15

AURREMATRIKULA ZABALIK!

 Aurrematrikula zabalik izango dugu ekainaren 25era arte! Online aurrematrikulatu zaitezke: https://www.aek.eus/aurrematrikula/



2021/06/08

Aizu! Aldizkariko saria Goierrira

Aizu! Aldizkarian erreportajeak, elkarrizketak, testigantzak etab. irakurtzeko aukera izateaz gain, denbora pasa atala ere badago; horien artean, pertsonai ezkutua izeneko jolasa dago. Gogokoak taldeko Cristina Ortegak erantzuna bidali eta hara, bera izan da irabazlea! 



2021/06/04

Aizpea, burdinaren mendia

 Hasiberriak taldea Aizpea mendian izan da! Jarraian argazki batzuk dituzue: 








2021/05/31

Alba Mendoza elkarrizketatu dute Segura Irratian

Goiztiri AEKko ikaslea den Alba Mendoza Moreno elkarrizketatu dute Bixi-Bixi saioan: 

http://segurairratia.eus/2021-05-26-bixi-bixialba-mendoza/ 


 

Errumaniako Sarmalea

Aza hostotan bildutako haragia da Sarmalea. Zaldibiako 4 loreak taldeko Felik errezeta partekatu du klasean; beraz, Errumaniara bidaiatu nahi baduzu prestatu errezeta etxean!


2021/05/27

Kixket kafetegiko gosariaren irabazlea!

Zozketa egin dugu eta Kixket kafetegiko gosaria autoikaskuntzako ikasle batek lortu du. 

Zorionak, Raquel! Bi pertsonentzat gosari eder bat irabazi duzu; beraz, on egin! 





2021/05/10

Kixket kafetegiko gosaria zozketatuko dugu bi lagunentzat

Maiatzeko Aizu! aldizkarian ika-mika atalean Ordiziako euskaltegiko talde bat da protagonista: nola du izena taldeak?

AIZU! aldizkaria

Erantzuna baldin badakizu, bidali mezua 688746638 telefono zenbakira maiatzaren 27a baino lehen. Parte hartzaileen artean bi laguntzetako Ordiziako Kixket kafetegiko gosaria zozketatuko dugu. 

Zorte on! 



 

2021/05/05

2021/04/28

Igartza Monumentu Multzoa bisitatu dugu

Aharoa eta Daviden eskutik, Igartzako gidak dira,  Beasaingo  Igartza Monumentu Multzoa ezagutu dugu: jauregiaermitaerrota, errotarien etxea, burdinola, errementariaren etxea, zalditegiak, tolarea eta zubia

Bi orduko bisita gidatuari esker Erdi Arotik hasi eta gaur egun arteko bilakaera historikoa hobeto ezagutu dugu.

Hementxe dituzue argazki batzuk: 












2021/04/20

Orain, udako barnetegiak

Udako oporretan ikastaro trinkoren bat egiteko asmoa baldin baduzu, hauxe da zure aukera; izan ere, uztailean eta abuztuan Foru eta Arantzako barnetegietan ikastaroak izango ditugu:

Matrikulazioan beherapena izango duzu maiatzaren 3a baino lehen aurrematrikulatuz gero; beraz, ahalik eta azkarren izena eman!



 

2021/04/14

"Irabazi" antzezlanerako bi sarrera zozketatuko ditugu

Apirilaren 23an, ostirala, arratsaldeko 19:00etan Beasaingo Usurbe antzokian Antzerki Garaiari amaiera emango zaio Jon Plazaolaren "irabazi" antzezlanarekin. Saiorako bi sarrera ditugu; eta beraz, zozketatuko ditugu! 

Sarrerak lortu nahi baldin badituzue, ondorengo galderaren erantzun zuzena behar dugu: 

Zein izan da Oarsoaldeko AEKren I. Mikroipuin Lehiaketaren irabazlea? Apirilerako AIZU! aldizkarian duzue erantzuna.

Erantzuna bidali 688746638 telefono zenbakira apirilaren 21erako



2021/04/12

Zeraingo zerrategira eta meategira bisita

Aste Santuetako oporren aurretik Ordiziako Hitzaro euskara elkarteak antolatutako bisitan izan gara; Zeraingo zerrategi eta meategian, hain zuzen.

Ilazki Azaldegirekin, turismo bulegoko gidarekin, lehenengo Larraondo Zerrategian izan gara; XX.mendeko zerrategi hidraulikoa da, gaur egun oraindik uraren indarra erabiliz  martxan jarri daitekeena.


Ondoren Aizpeako meatze gunera joan gara, bertan Aizpitta interpretazio
zentroa eta burdin mearen eraldatze tailerra ikusi dugu: Biltegiak, labeak
eta aireko kablea. 

 










2021/03/23

Bultza euskaltegiak! bultza euskara!

AEK-ko kideok "bultza euskaltegiak! bultza euskara!" dinamika martxan jarri dugu. Argi dago helduen euskalduntzea ezinbestekoa dela guztion eskubideak bermatzeko; beraz, euskaltegi sendoak behar ditugu. Bide onetik goaz, baita pandemiak eragindako ikasturte ezohiko honetan ere; hala eta guztiz ere, arlo horren finantzaketa ez da aski. Hori dela eta, Euskal Herriko hiru administrazioetatik bultzada estrategikoa eskatuko dugu igandean eta zuen babesa beharrezkoa dugu. 

Beraz, martxoaren 28an, eguerdiko 12:00etan, Ordiziako Barrena parkean hitzordua dugu euskaltzaleok. 

Horren harira, Segura Irratiko lagunek Aize Otaño, Gipuzkoako Artezkaritza kidea, elkarrizketatu dute. Entzun!!!

http://segurairratia.eus/2021-03-17ko-bixi-bixiaize-otano/

Ekitaldian parte hartu nahi baduzue, eman izena hemen: 

https://docs.google.com/forms/d/e/1FAIpQLSdgq_XHrzqoKcez6PC576Dx_KB5ege9eAcTppw2efNFL7sRbQ/viewform?usp=sf_link


Oharra: euria egiten badu, Ordiziako plazan egingo da ekitaldia.                      

2021/03/17

Praktikatuko saria Zaldibiara!

Praktikatuko material sorta Zaldibiako Felicia Tomarentzat izango da. ZORIONAK! Espero dugu produktuak gustuko izango dituzula. 







2021/03/15

Egizu ekarpena. Babes ekonomikoa.

 

Korrika atzeratzeak zuloa eragin digu aurrekontuan, eta banku bidezko finantzaketaren bitartez eman diogu erantzuna. Zorpetze horri ere aurre egin beharko diogu, eta herritarren sostengua nahi dugu. Aurten bultzada txiki bat, eta hurrengo ikasturtean izango den KORRIKAk babes erraldoia jasoko duelakoan gaude, benetan behar dugu-eta.
 

Diru-emaile guztiei Cultural Memories-ek AEK-KORRIKArako sortutako irudia bidaliko zaie e-postaz. 30 eurotik gorako ekarpenak eginez gero, posta arruntez ere bai.

Egizu ekarpena hemen: https://aek.eus/ekarpenak/


 

2021/03/11

Ahoz aho Doro Zobaranen eskutik

Doro Zobaran izan zen ahoz ahoko ipuin kontalaria: Eguzkia Ilargia eta Lurra izeneko istorioa kontatu zuen. Emankizuna asko gustatu zitzaigun. Ikusi nahi duzue? Hemen duzue: 





2021/03/08

Martxoaren 28an, 12:00etan, euskaltzaleon ekitaldia!


Martxoaren 28an, eguerdiko 12:00etan, Ordiziako Barrena parkean hitzordua dugu euskaltzaleok. Argi dago helduen euskalduntzea ezinbestekoa dela guztion eskubideak bermatzeko; beraz, euskaltegi sendoak behar ditugu. Bide onetik goaz, baita pandemiak eragindako ikasturte ezohiko honetan ere; hala eta guztiz ere, arlo horren finantzaketa ez da aski. Hori dela eta, Euskal Herriko hiru administrazioetatik bultzada estrategikoa eskatuko dugu igandean eta zuen babesa beharrezkoa dugu.

Ekitaldira agertu behar baduzu, klik egin hemen:   https://docs.google.com/forms/d/e/1FAIpQLSdgq_XHrzqoKcez6PC576Dx_KB5ege9eAcTppw2efNFL7sRbQ/viewform?usp=sf_link

 


 


2021/03/04

Egin ERRIGORAKO eskaera!

 
Martxoaren 24ra arte Nafarroa hegoaldeko

 
🫒oliba-olio birjina estra,
🥫kontserbak,
🍚arroza edo
🍝pasta

Eskatzeko aukera duzu, ekoizlearen jatorrizko prezioan. Elikadura-burujabetzara bidea gure plateretik has daiteke; bestela kontsumitu, bestela ekoizteko.

ℹ️ Informazioa eta eskaerak:
https://labur.eus/errigora-ep21






2021/03/02

Praktikatuko material sorta zozketatuko dugu!

Martxoko Aizu! aldizkarian Andoni Aizpuru dugu protagonista. Bada, horren inguruko galdera dugu oraingoan: zenbat urte daramatza ETB1eko eguraldi aurkezle izaten? 

Erantzuna bidali martxoaren 18rako 688746638 telefono zenbakira. Erantzun zuzenen artean praktikatuko material sorta zozketatuko dugu. Praktikatu mintzapraktika egitasmoak kudeatzen dituen AEK-ko lan-taldea da.   




2021/02/26

Ordiziako jubilatu taldea garaile!

Inauterietako selfie lehiaketako talde garailea Ordiziako jubilatu taldea izan da! ZORIONAK! Laster izango duzue poltsikoko egutegia esku artean. 

Aurten ez-ohiko inauteriak izan ditugunez, parte hartzea saritu nahi izan dugu. Hori dela eta, parte hartu duten talde guztien arteko zozketa egin dugu. 



2021/02/24

Osasuna zaintzeko dekalogoa

Hasiberriak ikas-taldeak osasuna zaintzeko dekalogoa osatu du. Zuekin partekatu nahi izan dugu euren lana! 





2021/02/22

Zein izango ote da talde garailea?

Ikasle-taldeek mozorroa prestatu eta argazkia atera diote euren buruari. Ostiralean, otsailaren 26an, talde garailearen izena jakinaraziko dugu. Zorte on guztioi!

Hementxe dituzue jasotako argazkiak: 

 

1. Alleku taldea

 
2.  Amengatik taldea
 
 

3. Auskalo taldea
4. Beasaingo taldea


5. Etxalde abereak


6. Jatorrak taldea
7. Loreak taldea


 8. Ordiziako jubilatu taldea


9. Segurako taldea


10. Zegama taldea


11. Zomorro uxatzaileak



 

12. Xirimiri taldea




2021/02/12

Inauterietako selfie lehiaketa


Inauteriak urteroko legez ospatzeko aukerarik ez izan arren, ziur mozorratuko zaretela 😊 Gurean umorerik ez da falta behintzat. Ikusi-ikusi aste honetako Beasaingo taldearen argazkia: 


Umore horri eusteko asmoarekin, eta inauteriak direla kontuan izanda, selfie lehiaketa antolatu dugu euskaltegian.  Parte hartzaile bakoitzak musukoa marraztu eta burua apainduko du eta ondoren, taldeko argazkia atera. Garaileek poltsikoko egutegia lortuko dute talde argazkiarekin.  

Irudia otsailaren 19rako, ostirala, bidali behar da zenbaki honetara: 668746638. Talde irabazlearen izena otsailaren 26an jakinaraziko dugu. Egon adi!    

2021/02/08

Santa eskea

 Aurtengo santa eskea ez ohikoa izan da, baina, hala ere, aurten ere kantuz poztu dute eguna gure Ordiziako jubilatuek! BIBA ZUEK!



2021/02/05

Bisita gidatua Ordizian


D´Elikatuz Zentroak antolatutako bisita gidatua egiten ari gara gure ikasleekin. Dagoeneko talde batzuk egin dute bisita, eta ibilaldia oso interesgarria dela aipatu dute. 

Lehenik eta behin, D´Elikatuz Zentroan, dorretxeko aztarnak dauden gelan, harrera egin eta ibilaldiaren nondik norakoak azaldu zaizkie. 

Ondoren, D´Elikatuzeko lehenengo soilaruan herriko maketa ikusi dute, 1700. urtekoa.  Kalean ikusi behar dutena ikusi dute maketan.  

Hortik, Ordizia herriaren sorrera izan zeneko gunera joan dira; Bartolome ermitara, hain zuzen. 

Handik Elizara, eta bertan, Ordiziako bilakaera historikoa eta elizaren kontu aipagarrienak ezagutu dituzte.

Gero, kasko historikoan zehar ibilbidea egin dute eta Ordiziako eraikin garraitzutsuenak ikusi dituzte: Mujika dorretxea, udaletxea, plaza, etab. 

Bukatzeko, Barrena eta  Zabala jauregiak ikusi dituzte, besteak beste. 



Datorrek astean talde gehiagok izango dute ibilbidea egiteko aukera, eta horien irudiak ere partekatuko ditugu blogean. 
Amaitzeko, eskerrak eman nahi dizkiogu, Gemari, bisitako gidariari, egindako lanagatik!