2022/09/20

Bertako produktuen zozketak badu sariduna

Bertako produktuen zozketa egin genuen txartela erosi zuten herritarren artean Ordiziako Euskal Jaietan. Irabazlea 714 zenbakiduna izan zen, baina lehenengo sariduna ez denez agertu, ordezkoak eskuratu du saria, 812 zenbakidunak, hain zuzen. Saskia etxera eta produktuez gozatzeko aukera izango du! On egin!

 


 

2022/09/07

Bertako produktuen zozketaren zenbaki saritua: 714

Dakizuen bezala, Ordiziako Euskal Jaien azokan bertako produktu sorta zozketatzen dugu urtero eta gaurkoan ere hantxe izan gara txartelak saltzen. Mahaia produktu ederrez bete dugu, argazkian ikus daitekeen bezala:
Goiz osoan errifak saltzen aritu eta gero, ordubi eta erdietan egin dugu zozketa: 

 

Bideoan ikus daitekeen moduan, 714 zenbakia izan da saritua. Irabazleak bihar, irailak 8, 14:30ak baino lehenago deitu behar du euskaltegira saria jasotzeko (943 88 91 74). Sariduna agertzen ez bada, ordezko zenbakia ere atera dugu: 812

 

Mila esker errifa erosi duzuen guztioi, euskalduntze lanetan jarraitzeko bultzada emateagatik eta datorren urtera arte!

2022/08/31

Matrikulazioa zabalik irailaren 27ra arte

 

22/23 ikasturterako matrikulatzeko epea irekita dugu  hilaren 27ra arte. Eskaintza zabala dugu: maila guztiak (A1,A2,B1,B1,C1 eta C2), titulu guztiak eskuratzeko aukera eta ordutegi zabala. Hainbat ikastaro mota ditugu: aurrez aurreko klaseak, autoikaskuntza, online, guraso taldeak, jubilatu taldeak, AISA,  mintza-saioak...

 


Informazio gehiago nahi izanez gero, Ordiziako eta Beasaingo euskaltegiak irekita izango ditugu ondorengo ordutegian: 

 

Astelehentik ostiralera

10:00-13:00

17:00-19:00 

Ostiral arratsaldean itxita


2022/06/27

Kixketeko gosariaren irabazlea

 

Zozketatu dugu parte hartzaileen artean Kixket kafetegiko gosaria eta irabazlea: Marian Rodriguez izanda! 

Eskerrik asko parte hartu duzuen guztioi eta Marian, gozatu gosariaz!

 

 


2022/06/20

Hurrengo ikasturtera arte!

2021-22 ikasturtea laster amaituko dugu, eta ikastaroari bukaera emateko ukendu tailerra egin dugu Igartza Jauregian. Gure arbasoek erabiltzen zituzten sendabelar ezberdinak ezagutzeko aukera izan dugu eta ukendua nola egiten den ere ikasi dugu. Ukendu tailerra ez ezik, beste txango bat ere egin dugu Hitzaro euskara elkartearekin batera; Zumaira joan gara. 

Hementxe dituzue ikusgai argazki batzuk: 

 















 


 

2022/06/13

Kixket kafetegiko gosaria zozketatuko dugu bi lagunentzat


Ekaineko Aizu! aldizkariko 'zokomiran' atalean galdera interesgarri bat dago:

Hondamendi nukearra gertatuko balitz eta bizirik irtengo bagina, zer jango genuke? 

AIZU! aldizkaria

Erantzuna baldin badakizu, bidali mezua 688746638 telefono zenbakira ekainaren 22rako baino lehen. Parte hartzaileen artean bi laguntzetako Ordiziako Kixket kafetegiko gosaria zozketatuko dugu. 

Zorte on!




2022/06/06

Goierriko Goiztiri AEK-n aurre-izena ematea zabalik!

Datorren ikasturtean, 2022/23 ikasturtean, euskara ikasten jarraitu edo euskara ikasten hasi nahi baduzue, aprobetxatu AEKren matrikulazio eskaintza berezia.

Webgune HONETAN nahiz Ordiziako eta Beasaingo euskaltegietan egin daiteke. Online ikastaroetan ere bai (online ikastaroen aurrematrikula hemen)!!

Aurrematrikula ekainaren 24a baino lehen  egiten dutenek honako onura hauek izango dituzte:

- %5eko deskontua 22-23 ikasturteko matrikularen prezioan (deskontua ikasturte honetako -2021/22- prezioetan aplikatzen da).
- Ordainketa malguagoa, epe bat gehituta ohiko ordainketa epeei.
- Lehentasuna taldeak eratzeko orduan.


2022/05/30

Mintza-tertulia Beasainen

Aurreko asteazkenean Beasainen mintza-tertulia izan genuen. Saioko gaia Ehun milak izan zen, eta gidaria Mikel Valdivielso. Oso interesgarria izan zen, eta ikasleek, mintzalagunekin batera, euskaraz praktikatu zuten.








2022/04/28

AIZU! Aldizkariko saria Goierrira

AEK-ko Aizu! Aldizkariko "ez da hain fazila" atalean ariketako bat toki ezezaguna asmatzea da eta hara, gure ikaslea den Rakelek asmatu du erantzuna eta gainera, saria irabazi! ZORIONAK! 




2022/04/07

Aurrera Korrika!

Oporretara joan aurretik apirileko lehiaketari helduko  diogu. Ea bada nork asmatzen duen erantzuna...

KORRIKA behin martxan jarrita, furgonetetan gora eta behera dabiltza Korrikaren bidean dena ondo joateaz arduratzen diren 20 lagunak (10 kideko bi talde).


 

Galdera: zenbat orduko txandak egiten dituzte? 

Erantzuna AIZU! Aldizkarian topatuko duzue. Apirialaren 28a baino lehen bidali zuen erantzuna 688746638 telefono zenbakira, eta PRAKTIKATUko opari ederrak irabaziko dituzue. 




2022/04/02

Goierriko KORRIKA kulturala


Badator 22. KORRIKA Goierrira! Egun  berezia izango da apirilaren 8a, eta egun hori girotzen hasteko eta nola ez, eguna gozatzeko Goierriko KORRIKA batzordeek egitarau itzelak antolatu dituzte. Jarraian dituzue batzuk:  
























  











Horretaz gain, aipatu nahi dugu Goierriko Hitzak KORRIKAren gehigarria kaleratu duela, oso interesgarria. Bertan ibilbidea, egitarauak, elkarrizketak etab. dituzue: 

https://issuu.com/goierrikohitza/docs/korrika-2022



2022/03/30

KORRIKAko bi petoren irabazlea

Martxoko lehiaketaren irabazlea Feli Veguin izan da! KORRIKAko bi peto zuretzat! Laster izango duzu petoa jantzi eta KORRIKA egiteko aukera. ZORIONAK. 


Gogoratu KORRIKAko petoak nahi badituzue gerturatu Beasaingo herri dendara. 

2022/03/28

Badator KORRIKA

Ostegunean KORRIKA abiatuko da Amurriotik, eta apirilaren 8an Goierrira iritsiko da. Oso gutxi falta da. 

Gu buru-belarri gabiltza lanean eta ikasleak ere noski! 

Prest zaudete? TIPITAPA  TIPITAPA KORRIKA!!! 





2022/03/24

Ahoz aho jaialdia

Ahoz Aho ahozkotasunaren jaialdia ospatu da Ordizian eta egitasmoari amaiera emateko, Barrena Jauregian ipuin-kontakizuna burutu da Maider Delgado narratzailearen eskutik. Gure ikasleak hortxe izan dira: