Ekarrizketa egin diote Cristina Ortega ikasleari Bixi-bixin

Segura Irratiko Bixi-bixi irratsaioan parte hartu du Aurrera! taldeko ikasle den Cristina Ortegak. Lierni Elortza esatariak elkarrizketa egin dio eta hainbat gairen inguruan aritu dira, besteak beste, nolatan etorri zen hona bizitzera eta zergatik ari den euskara ikasten. 28.minututik aurrera entzungo duzue.

Bixi-bixi saioa asteazkenetan izaten da, 12:15ean, eta errepikapena, berriz, ostegun eguerdietan, FM 89.2an edo euren webgunean: segurairratia.eus

Bixi-bixi irratsaioan parte hartuko dugu asteazkenean

Segura irratiko Bixi-bixi irratsaioak hasi du bere hamargarren denboraldia eta asteazkenean bertako partaide izango gara beste behin, euskara biziberritzea helburu. Bob Dylanen Literatur Nobel saria aitzakiatzat hartuta, musikari estatubatuarraren zer abestiren letrak euskaratu diren jakingo dugu. Horretaz gain, Anarik egindako Dylanen abesti baten euskarazko moldaketa ere entzungo dugu. Segura Irratian, FM 89.2an, izango da entzungai, 12:00etako albistegiaren ondoren. Ez galdu!

Bixi-bixi irratsaioan abenduko euskal ohituren berri eman dugu

Gabonetako oporren aurretik Segura Irratiko Bixi-bixi irratsaioan izan ginen euskaltegien tartean eta Goiztiriren kide den Aitor Calvillo Santo Tomas eta Olentzeroren inguruko ohiturez aritu zen solasean. Saioan parte hartu zuten Amets Arzallus, Sustrai Colina eta Aitor Sarriegik ere Bertso Txapelketa Nagusiaren finalaz aritzeko. Entzun eta gozatu!

Hainbat konturi buruz aritu gara hizketan Bixi-bixi irratsaioan

Goiztiri AEK euskaltegikook Segura Irratiko Bixi-bixi irratsaioaren euskaltegien tartean kolaboratu ohi dugu hilean behin, eta joan den asteazkenean izan zen gure txanda. Euskaltegiko kide den Maitane Legarretak Errigoraren udazkeneko kanpainari buruz hitz egin zuen. Horretaz gain, azaroaren 5ean Ordizian Bertso Txapelketa Nagusiaren inguruan egindako saio didaktikoaz aritu zen solasean eta baita hilaren 19an Beasainen egingo dugun baserritar jantzien inguruko saioari buruz ere. 

Beste hainbat gai ere landu zituzten asteazkeneko Bixi-bixin: 'Tribuaren berbak' saio berria, UEMAren arnasgune tailerrak...

Entzun irratsaioa eta gozatu!

Denboraldiko saio guztiak hemen. 

Bixi-bixi irratsaioan izango gara bihar

Goiztiri AEK euskaltegiak biharko Bixi-bixi irratsaioan parte hartuko du hainbat konturi buruz hitz egiteko. Alde batetik, Errigorak AEK, Ikastolen Elkartea eta Sortzen-Ikasbatuazekin batera martxan jarritako kanpainari buruz hitz egingo dugu. Dakizuen bezala, Nafarroa Hegoaldeko produktuak Euskal Herrian zabaldu eta bertako euskalgintzari laguntzeko, bertako produktuz betetako saskia eska daiteke azaroaren 14a baino lehen. 

Horretaz gain, azaroaren 5ean Ordiziako euskaltegian Bertso Txapelketa Nagusiaren inguruan egindako saioa didaktikoaz ere arituko gara solasean. Arkaitz Oiartzabalek bertso txapelketaren inguruan irakatsitako kontuen berri emango dugu, beraz.

Hauek eta beste hainbat kontu izango dira bihar Segura Irratiko Bixi-bixi saioan. Interesa baduzue, sintonizatu FM 89.5, 12:15etik aurrera. Entzun eta gozatu!

Udazkeneko kontuen berri Bixi-bixi irratsaioan

Goiztiri AEK euskaltegiko irakasleok Segura Irratiko Bixi-bixi saioan kolaboratzen dugu, euskaltegion tartean, euskara aberasteko asmoz. Goiztiriko kide den Amaia Auzmendik hartu zuen parte joan den hasteko saioan eta udazken garaiko kontuen berri eman zuen. Entzun irratsaioa, euskara aberastu eta gozatu!

Ikasturte honetako irratsaio guztiak hemen. 

Bixi-bixi irratsaian ikasturte honetan egindako partehartzeak

2012-2013 ikasturtean ere euskaltegien txokoan kolaboratzen aritu da Goiztiri AEK Segura Irratiko Bixi-bixi saioan. Hementxe dituzue ikasturteko zazpi kolaborazioen grabazioak, berrienetik zaharrenera. Entzun eta gozatu!

Ikasturte honetako Bixi-bixi saio guztiak entzuteko aukera duzue hemen.

Udazkeneko sukalde errezeta aurkeztu dugu Bixi-bixi irratsaioan

Urteroko ohiturari jarraituz, Segura irratiko Bixi-bixi irratsaioan parte hartu dugu Goiztiri AEK-koek euskaltegien tartean. Gorka Olazabal irakasleak udazkenerako aproposa den errezeta proposatu zuen, euskarazko www.sukaldean.com webgunetik hartuta. 

Segurako EBPNaren barruan Segura Irratian asteazkenero egiten den irratsaioa da Bixi-bixi eta bere helburua eskualde mailako euskararen sustapena bultzatzea da, Segura abiapuntutzat hartuta.

Entzun Bixi-bixi Goierriko Hitzaren webgunean eta gozatu!

Bixi-bixi irratsaioan 25.urteurrenari buruz aritu gara hizketan

Goiztiri AEK euskaltegiko Karmele Santoyo eta Nekane Munduate irakasle eta zuzendaritzako kideak Bixi-bixi irratsaioan izan ziren joan den asteazkenean. Bertan 25.urteurrenari buruz hitz egin zuten, eta euskaltegiak egindako ibilbide luzeari buruz aritu ziren kontu kontari. Euskaltegien tartean ere, euskaltegiko irakasle den Amaia Ajuriak hartu zuen parte, eta emakumearen eguna aitzakiatzat hartuta, emakumeek euskal kulturaren trasmisioan duten eta izan duten garrantzia nabarmendu zuen.

Lierni Elortza esataria, Nekane Munduate, Amaia Ajuria, Karmele Santoyo eta Santos Beloki kolaboratzailea.

Entzun irratsaioa.

Bixi-bixi irratsaioa entzuteko aukera izango da blogean

Gaurtik aurrera Bixi-bixi irratsaioko entzuteko moduan izango dira AEK-ko ikasleak eta blogaren jarraitzaileak. Segurako EBPNaren barruan Segura Irratian asteazkenero egiten den irratsaioa da Bixi-bixi eta bere helburua eskualde mailako euskararen sustapena bultzatzea da, Segura abiapuntutzat hartuta.

Albistearen azpian duzuena 2011ko urriaren 5ean egindako saioa da, ikasturte honetako lehena.Hainbat gai izan zituzten hizpide irratsaioan: Euskadi Sariak eta Joseba Sarrionandia, Martin Ugalde, Juan Jose Alkain Irutegoiena...Segurako alkatea den Eluska Gerriko eta Asier Alustiza Kultura, Euskara eta Hezkuntza zinegotzia ere izan ziren euren kargu berrie buruz hizketan. Astero bezala, herrietako ekitaldien berri eman zuten eta Mintzalagun egitasmoa eta Gipuzkoako Bertsolari Txapelketa ere aipatu zituzten, besteak beste.

Bixi-bixi irratsaioa (2011ko urriak 5) by Goiztiriaekgoierri

Asteazkenero 12:15etik 13:15era izaten da saioa FMko 89.2an. Errepikapenak, berriz, ostegunetan 19:00etatik 20:00etara eta igandetan 8:00etatik 9:00etara izaten dira. Astez aste blogean zintzilikatuko dugu saioa zuzenean entzun ezin dutenek edo berriz entzun nahi dutenek nahi dutenean entzun dezaten. Entzun ba, Bixi-bixi!