2009/11/19

Gabonetako postal eta idazlan lehiaketa

Gabonak gainean direla-eta, Ordiziako Goiztiri AEKan, urtero egin ohi dugun legez, Udaleko Euskararen Aholku Batzordearekin, antolatzen dugun ekintzaren berri eman nahi dizuegu. Berau, Ordiziako Jakintza Ikastola, Urdaneta Herri Eskola eta Oinguren B.I.-ko hainbat ikasleren parte hartzearekin antolatzen den Gabonetako postal eta idazlan lehiaketa da. Iaz bezala, beste sail batzuk alde batera utzita, bitan oinarrituko ditugu indarrak: postaletan alde batetik eta idazlanetan bestaldetik. Era honetan antolaketa errazagoa eta sari hobeak banatzeko aukera izango dugu.

3 iruzkin:

  1. Maider Elosegi12/06/2009 9:05 PM

    zer egin behar dut parte hartzeko?

    ErantzunEzabatu
  2. Ikasten ari zaren ikastetxean informazioa helaraziko dizuete. Dena den, zuzenean bidali nahi badiguzu bidali helbide honetara zeure idazlana (goierri@aek.org helbidera, hain zuzen ere).

    ErantzunEzabatu
  3. Hona hemen Maider baldintzak: zuzenean bidali nahi badiguzu, esandakoa, ikastetxearen izena jarri eta bidali!
    POSTAL LEHIAKETA
    1. DLHko 3. zikloa eta DBH1eko ikasleek hartuko dute parte kategoria
    bakar honetan.
    2. Gaiak Euskal Herriko Eguberri edo Gabonekin lotura izan beharko du.
    3. Banakako lanak izango dira (izen-abizena eta maila jarri).
    4. Epaimahaia Goiztiri AEK-ko ikasle eta irakasleek osatuko dute.
    5. Ikastetxe bakoitzeko (Urdaneta-Oianguren eta Jakintza) ikasleei
    hiruna sari emango zaizkie:
    1.saria: Lazkaoko Gerriko liburudendan materiala erosteko 60
    euroko tikea.
    2.saria: Lazkaoko Gerriko liburudendan materiala erosteko 45
    euroko tikea.
    3.saria: Lazkaoko Gerriko liburudendan materiala erosteko 30
    euroko tikea.
    6. Lanak abenduaren 5ean, ostirala, jasoko dira ikastetxean bertan eta
    beraiekin erakusketa egingo da Barrena Kultur Etxean (abenduaren
    18tik urtarrilaren 7a bitartean).
    7. Irabazleen izen-abizenak prentsan agertuko dira eta argazkia
    ateratzeko garaian banatuko dira sariak (abenduaren 17an,
    arratsaldeko 7etan).
    8. Egileak hala nahi badu bere lana berreskuratu ahal izango du.
    IDAZLAN LEHIAKETA
    1. Lehiaketak sail bakarra izango du. DBH2ko ikasleek bakarrik hartuko
    dute parte.
    2. Lanak, norberak sortutakoa eta inon argitaratu gabea izan beharko du.
    3. Gaia librea izango da.
    4. Neurriak: bi orrialde gutxienez eta lau gehienez (eskuz idatzitakoak ez
    dira aintzat hartuko).
    5. Lanak izenburu bat beharko du eta ezizenez izenpetua agertuko da,
    kartazal baten barruan egilearen izen-abizenak idatziz. Lana eta
    kartazala, kartazal handiago batean gordeko dira, bertan ezizena jarriz.
    6. Epaimahaia Goiztiri AEK-ko irakasle eta goi urratseko ikasleek osatuko
    dute.
    7. Epaimahaiak honako puntu hauek hartuko ditu kontuan:
    - Gaiaren trataera.
    - Hizkuntzaren erabilera (aberastasuna, zuzentasuna eta
    egokitasuna).
    8. Parte hartzen duten ikasle guztien artean (bi ikastetxeetako ikasleak
    barne) honako sari hauek banatuko dira:
    1. saria: Lazkaoko Gerriko liburudendan materiala erosteko 90
    euroko tikea.
    2. saria: Lazkaoko Gerriko liburudendan materiala erosteko 70
    euroko tikea.
    3. saria: Lazkaoko Gerriko liburudendan materiala erosteko 55
    euroko tikea.
    9. Lanak abenduaren 5ean, ostirala, jasoko dira ikastetxean bertan.
    10. Idazlan sarituen egileen izen-abizenak prentsan agertuko dira eta
    argazkia ateratzeko garaian banatuko dira sariak (abenduaren 17an).
    11. Egoki ikusiz gero idazlan sarituak argitaratzeko eskubidea izango du
    Goiztiri AEK-k.
    12. Hala eskatuz gero lanak berreskuratu daitezke.

    ErantzunEzabatu