Hitzaro elkarteak antolatuta

 

Hitzaro elkarteak otsailerako antolatutako bi ekintzen berri ematera gatozkizue. Batetik, Besaingo Igartza jauregia ikusi eta bere historia ezagutzeko aukera izango duzue otsailaren 3an eta, bestetik, Pedagogian doktore eta Euskal Herriko Unibertsitateko irakasle den Rosa Aruburuak 2006an idatzi zuen Bortzirietako gaztiak liburuari buruzko solasaldia eskainiko du, otsailaren 20an. Liburuak Bortzirietako (Nafarroa) gazteen bizimodua eta lan-aukerak aztertzen ditu 1940 eta 1960 urteen artean: baserriko lanak, Terranovako bakailao arrantza, Ameriketara emigrazioa, kontrabandoa, emakumeek Iparraldeko ostatuetan egiten zuten lana...

 

   

Urtarrileko hitz ezkutua: lehenengo pista

 

Astelehen on!

Ondo hasi al duzue urtea? Buruari eragiteko prest? Bada, hemen duzue urtarrileko hitz ezkutua lehiaketako lehenengo pista:

 1. pista: Nahi izanda ere, ezin zaio ihes egin.

 

 

 

 

Jokoaren arauak: 

• Astero pista bat emango dugu, hiru guztira. Lehenengo pistarekin, bigarrenarekin zein hirugarrenarekin eman dezakezu erantzuna. Aste batetik bestera erantzuna alda dezakezu, baina puntuazioa desberdina izango da: lehenengo pistarekin asmatzen baduzu, hiru puntu lortuko dituzu; bigarren pistarekin asmatuz gero, bi puntu, eta hirugarrenarekin asmatuta, puntu bat. Amaieran, laugarren astean, erantzuna jakinaraziko dugu blogean. Puntu gehien lortu dutenen artean zozketatuko da hilabeteko saria.
  
  
• Erantzuna nola eman:
  Erantzuna emateko, esteka honetan sakatu eta idatzi eskatuko zaizkizun datuak: erantzuna, izen-abizenak eta harremanetarako telefono zenbaki bat.
  

       Idatzi hemen zure erantzuna:

       https://labur.eus/hitz_ezkutua