Ordiziako Hitzaro euskara elkarteak heriotza izango du hizpide hilabete honetako mintzatertulian; Nerea Erkiaga adituak "Hil arte bizi. Heriotzaren aurrean ere, gure era" hitzaldia eskainiko du azaroaren 14an, 18:00etan, Barrena kultur etxean. Besteak beste, heriotzaren aurrean ditugun eskubideei eta har ditzakegun erabakiei buruz hitz egingo du Erkiagak. Antolatzaileek jakinarazten dute hitzaldia ez dela gomendagarria dolu prozesuan daudenentzat; gainerakoak, gonbidatuta zaudete.
Ordiziako Hitzaro euskara elkarteak irteera antolatu du Tolosako alde zaharra eta Andre Maria eliza ezagutzeko. Azaroaren 29an Garagartza plazako geltokitik abiatuko da autobusa, 9:30ean. Ohi bezala, Mintzalagunentzat, AEKko ikasleentzat eta Hitzaroko bazkideentzat doan da irteera; gainerakoek 5 euro ordaindu behar dituzte.
Astelehen on!
Konturatuko zineten bezala, Euri-tanta da urriko hitz-ezkutua. Oraingo honetan Anitzak taldea izan da asmatzen lehena. Saria —bi lagunentzako gosaria Ordiziako Kixket kafetegian—zozketatu egin dute, eta Silvia Fernandezek eraman du.
On egin, Silvia!
Eta, orain, adi! Hemen doa azaroko lehiaketako lehen pista:
1. pista: Gehienetan oharkabean bada ere, guztiok egiten dugu, eta, gainera, etengabe.
Zer ote da?
Jokoaren arauak:
Idatzi hemen zure erantzuna:
https://labur.eus/hitz_ezkutua
Hona hemen hilabete honetako hitz-ezkutua lehiaketako hirugarren pista. Orain bai, ezta?
1. pista: Bakar batek ez du askorako balio; asko elkartuz gero, ordea, altxor bat da.
2. pista: Bi lagunek antz handia dutela adierazteko halako bi bezalakoak direla esaten da.
3. pista: Azken egunotan milaka erori dira gure inguruan.
Jokoaren arauak:
Idatzi hemen zure erantzuna:
Ba al dakizue zein den hitz-ezkutua? Ea bigarren pistarekin asmatzen duzuen! Hemen doa:
1. pista: Bakar batek ez du askorako balio; asko elkartuz gero, ordea, altxor bat da.
2. pista: Bi lagunek antz handia dutela adierazteko halako bi bezalakoak direla esaten da.
Jokoaren arauak:
Idatzi hemen zure erantzuna: