Aho-korapiloak

Ordiziako goizeko A1 taldekoek hainbat aho-korapilo irakurri dituzte. Gai al zarete aho-korapilo hauek eurek baino hobeto egiteko? Ea ba, erakutsi!

Asmatu tokia!

Ordiziako iluntzeko A2 taldekoek maila bereko goizeko taldekoei erronka bota diete: eurek prestatutako pistekin zer tokiri buruz ari diren asmatzea. Eman erantzunak eta zorte on!

Asmakizunak from Goiztiri AEK euskaltegia

Talde gehiago ezagutu nahi al dituzu?

EGA taldekoen argazkia, Ordiziako A1 eguerdiko taldearena eta Ordiziako goizeko A2koena jaso ditugu. Ezagutzen  al dituzue ikasle jator hauek?

Eusliderrak tailerrak

AEKren Ahize Hizkuntza Aholkularitza zerbitzuak Eusliderrak tailerrak eskaintzen ditu. Zer helburu dute Euslider tailerrek?  Bada, euskararen erabileran eragitea, hizkuntza portaera berriak sortzea eta eraldaketa sustatzea.

Ahizeren katalogoa

Neguko irakurle kanpaina martxan da

Aurtengo neguko irakurle kanpainaren katalogoa iritsi da dagoeneko eta AEKren ikasleok hainbat produktu aurkituko dituzue bertan, saltokietan baino merkeago, gainera. Euskarazko liburuak (mailaren arabera sailkatuak),  diskoak, hiztegiak eta jokoa aurkituko dituzue kanpaina honetan.

Irakurle kanpaina: 2016ko negua from Goiztiri AEK euskaltegia

Zerbait erosteko interesa izanez gero, honako pauso hauek jarraitu behar dituzue:

• Pdfan dagoen azken orria bete.  
• Ordainketa egin jartzen duen moduan, euskaltegiaren izena ipinita.
• Irakasleari eman betetako eskaera orria eta ordainagiria.
• Azken eguna: azaroak 29

Erosi, eta gozatu euskaraz eta euskal kulturaz!