Martxoko kultur agenda

 

Kaskaroneak

Ba al dakizu zer diren kaskaroneak? Aurrez hustu, konfetiz bete, berriro itsatsi eta, apaintzeko, kolore biziz margotutako arrautza oskolak dira. Guatemalako inauterietako tradizio polit bat da, eta gurera ekarri du bertako ikasle batek. Ikusi nolako kaskarone politak egin dituzten!

 

Kaixo!

Hemen duzue martxoko hitz ezkutua lehiaketako lehenengo pista. Zer ote da?

1. pista: Hiru metro inguru neurtzen du.

Jokoaren arauak: 

• Astero pista bat emango dugu, hiru guztira. Lehenengo pistarekin, bigarrenarekin zein hirugarrenarekin eman dezakezu erantzuna. Aste batetik bestera erantzuna alda dezakezu, baina puntuazioa desberdina izango da: lehenengo pistarekin asmatzen baduzu, hiru puntu lortuko dituzu; bigarren pistarekin asmatuz gero, bi puntu, eta hirugarrenarekin asmatuta, puntu bat. Amaieran, laugarren astean, erantzuna jakinaraziko dugu blogean. Puntu gehien lortu dutenen artean zozketatuko da hilabeteko saria.
  
  
• Erantzuna nola eman:
  Erantzuna emateko, esteka honetan sakatu eta idatzi eskatuko zaizkizun datuak: erantzuna, izen-abizenak eta harremanetarako telefono zenbaki bat.
  

       Idatzi hemen zure erantzuna:

       https://labur.eus/hitz_ezkutua

Otsaileko hitz ezkutua: irabazlea

Kaixo!
Zirkua zen otsaileko hitz ezkutua lehiaketako hitza. Asmatu duzuenen artean egin dugu zozketa, eta Egle Escamilak eraman du saria: bi lagunentzako gosaria Ordiziako Kixket kafetegian. On egin, Egle!