Goierriko bost herritan (Ataunen, Lazkaon, Beasainen, Ordizian eta Seguran) egingo dira Liburu eta Disko Azokak asteburu honetan 'Azokak batzen gaitu' lelopean. Beasaingo azokak 25.edizioa du aurtengoa eta Goiztiri AEK euskaltegiak antolatu du udalaren eta Mirentxu liburu-dendaren laguntzaz. Azoka ostiral goizetik igande arratsaldera egongo da zabalik eta aurten kaleratu diren liburu, disko eta jolasak aurkituko dituzue bertan %15eko beherapenarekin. Hori gutxi balitz, produktu sorta bat ere zozketatuko da erosleen artean.
Produktuez gain, hainbat ekintza ere izango dira datozen hiru egunetan: irakurle tertulia, herriko idazle eta musikariekin solasaldiak, haurrentzako jolasak, trikitilari eta bertsolariak, mahai-ingurua, irakurTOUR jolasa...
Zatozte azokara, zain izango gaituzue eta!
iruzkinik ez:
Argitaratu iruzkina