Bertako produktuen zozketaren zenbaki saritua: 0016

 

Dakizuen bezala, Ordiziako Euskal Jaien azokan bertako produktu sorta zozketatzen dugu urtero. Mahaia produktu ederrez bete dugu, argazkian ikus daitekeen bezala: 

 

 

Goiz osoan errifak saltzen aritu eta gero, ordu biak pasata egin dugu zozketa.
Argazkian ikusi daitekeen moduan, 0016 zenbakia izan da saritua.

Bideoan ikus daitekeen moduan, 0016 zenbakia izan da saritua.

Saritua agertu da eta eramandu saskia. Saritua honako hau izan da: Serapio Jauregi Iturrioz, Zumarragakoa.

Zorionak, Serapio! Gozatu.

Matrikulazio kanpaina martxan!

Dagoeneko abian da 2025-2026 ikasturteko matrikulazio kanpaina Goierri AEK euskalegietan, Ordizian eta Beasainen. Zatoz gurekin euskara ikastera! Harrera ordutegia:

goizetan: 10:00etatik 13:30era

arratsaldetan: 17:00etatik 19:30era 

 

Oporretara goaz!

Oporretara goaz! Irailaren 2an berriro zabalduko ditugu ateak ikasturte berriko matrikulazioari ekiteko. Uda ona izan!

Aurrematrikula egiteko azken egunak!

 

Hitz ezkutua: ekaina

Dagoeneko asmatuko zenuten, baina hemen doa hirugarren pista:

1. pista: Zalantzarik gabe, egiteak abantailak dakartza.
2. pista: Aurtengoa ekainaren 30ean amaituko da.
3. pista: Oraindik egin ez baduzu, esteka honetan egin dezakegu:
https://www.aek.eus/aurrematrikula/

Jokoaren arauak: 

• Astero pista bat emango dugu, hiru guztira. Lehenengo pistarekin, bigarrenarekin zein hirugarrenarekin eman dezakezu erantzuna. Aste batetik bestera erantzuna alda dezakezu, baina puntuazioa desberdina izango da: lehenengo pistarekin asmatzen baduzu, hiru puntu lortuko dituzu; bigarren pistarekin asmatuz gero, bi puntu, eta hirugarrenarekin asmatuta, puntu bat. Amaieran, laugarren astean, erantzuna jakinaraziko dugu blogean. Puntu gehien lortu dutenen artean zozketatuko da hilabeteko saria.
  
  
• Erantzuna nola eman:
  Erantzuna emateko, esteka honetan sakatu eta idatzi eskatuko zaizkizun datuak: erantzuna, izen-abizenak eta harremanetarako telefono zenbaki bat.
  

       Idatzi hemen zure erantzuna:

       https://labur.eus/hitz_ezkutuamen