goiztiri euskaltegia

Beasaingo iluntzeko taldeko ikasle batek jaso du saria

2012-02-09T12:53:00.003+01:00

Urtarrileko lehiaketak badu irabazlea: Antonio Aierbe Garmendia. Beasaingo iluntzeko taldeko ikaslea da Aierbe, eta lehiaketan parte hartzen du fin-fin, hilero-hilero. Hileroko jardun horrek eman du fruitua, eta azkenean saria eskuratu du euskaltegiko ikasleak. Jon Maiak egindako 'Bidaia intimoak' dokumentala, Irati Jimenezen 'Atsekabe zaitut' liburua, Lor taldearen diskoa, eta euskara-gaztelania hiztegitxoa eraman ditu etxera Aierbek. Zorionak eta gozatu! Ez ahaztu otsaileko lehiaketa ere martxan dugula. 'Ipar haizearen kontra' antzezlana ikusteko bi sarrera zozketatuko ditugu galdera asmatzen dutenen artean. Animatu eta parte hartu!

Hilabete honetako galdera

2012-02-08T12:00:00.003+01:00

Hilabete honetako galdera: Nortzuk dira 'Ipar haizearen kontra' antzezlaneko aktoreak?

Saria:Beasainen martxoaren 2an izango den 'Ipar haizearen kontra' antzezlana ikusteko bi sarrera.

Azken eguna: otsailak 27.

Bidali zure erantzuna gure helbidera: goierri@aek.org. Izen-abizenak eta telefono zenbakia zehaztu, mesedez.

Huts egin eta jarraitu aurrera!

2012-02-07T11:47:00.003+01:00

Hamabigarren zen aholkua prestatu digute E-uskaltegia online zerbitzuko kideek. Azken bideo honetan hutsegiteak ikasketa prozesuaren parte direla gogorarazi nahi izan digute.

Abestia sortu dugu 25.urteurrena ospatzeko

2012-02-06T10:59:00.007+01:00

Euskaltegiak 25 urte bete ditu 2011-2012 ikasturtean eta urteurrena aitzakiatzat hartuta, abesti bat sortu dugu. Kantaren doinua Hernani aldeko Black Jiko taldeak egin du eta letra, berriz, Iñaki Apalategi bertsolari beasaindarrak. Black Jiko taldeko kide bat euskara ikasten aritu da gurekin ikasturte honetan, eta horregatik hautatu genuen reggae musika egiten duen taldea. Gaztelaniaz egin ohi dituzte abestiak, eta euskarazko kanta egiteko aukera eman diegu oraingoan. Apalategik euskaraz ikasten ari direnek egiten duten ahalegina nabarmendu nahi izan du kantaren bidez, batez ere ematea hainbeste kostatzen den lehendabiziko pauso horri aitortza eginez.

Lehenengo eguneko lotsa (basque reggae feat. Iñaki, Jiko & Leire) by Goiztiriaekgoierri

Lehenengo eguneko lotsa

View more documents from goiztiriaekgoierri

Bertsoa eta irudia elkartzen dituen lehiaketa martxan da Beasainen

2012-02-02T11:14:00.005+01:00

Bertsomovieda izeneko lehiaketa jarri du martxan Beasaingo Arrano Kultur Elkarteak. Bertsomovie-a bertsoak dauzkan bideo bat da, eta nahikoa da bi elementu horiek, irudia eta bertsoa, uztartzea. Bideoak gutxienez bertso bat izan beharko du, eta euskaraz izango da.

Edozein pertsona, talde edo koadrilak har dezake parte, eta adinari eta bizitokiari dagokionez ere, ez dago mugarik. Gainera, nahi adina bertsomovie aurkez daitezke.

Bideoak martxoaren 24ra arte aurkez daitezke. Sari banaketa apirilaren 20an izango da Beasainen, baina aldez aurretik jakinaraziko dira lehiaketako irabazleak, hedabideen bitartez. Hiru sari izango dira: epaimahaiaren saria (900 euro), epaimahaiak aukeratuko duena; bertso onenen saria (300 euro), epaimahaiaren iritziz bertso maila onena duen bideoari emango zaiona; eta ikusleen saria (450 euro inguruan baloratutako saria), webgunean bozka gehien biltzen dituen bideoarentzat. Parte hartzeko interesik baduzue, klikatu hemen lehiaketako oinarriak ikusteko. Animatu, eta parte hartu!

Euskaltegiaren 25.urteurrenaren aurkezpena egin dugu Ordizian

2012-02-01T12:02:00.008+01:00

Goiztiri AEK Euskaltegiak 25 urte bete ditu 2011-2012 ikasturtean eta urteurrenaren aurkezpena izan zen atzo Ordiziako D'Elikatuz interpretazio zentroan. Bertan bildu ziren gaur egun euskaltegiko irakasle eta ikasle direnak, eta baita 25 urte hauetan irakasle eta ikasle izandako zenbait lagun ere.

Euskaltegiko zuzendaritzako kide den Karmele Santoyok hartu zuen hitza lehenbizi. Euskaltegiaren sorreran zerikusia izan zutenek egindako lana nabarmendu zuen, eta lehengoen eta oraingoen arteko soka-lanari eman nahi izan zion garrantzia. Horretaz gain, 25.urteurrenarekin batera euskaltegiak jaso duen oparia ere izan zuen hizpide: lokal berria.

Beñat Garmendiak, euskaltegiko irakasle eta lokalaren obraren arduradunak, lokal berria Behe Nafarroa kalean, Lukusin plazaren ondoan, izango dela aipatu zuen, eta maiatzaren bukaerarako prest izango dela.

Maria Luisa Gorrotxategi irakasleak, urteurrena dela-eta, otsailetik ekainera izango diren kultur ekintzak azaldu zituen. Otsailaren 22an talo ikastaroa izango da, Arriarango Intxaurpe elkartean. Martxoan Erregea eta Bufoia ikuskizuna egingo dute Seguran, Ander Lipus aktoreak eta Aitor Sarriegi bertsolariak. Apirilean, berriz, Napoka Iriaren kontzertua izango da Beasainen, eta maiatzean bakarrizketak Legorretan. Amaitzeko, ekainean lokal berria ezagutzeko aukera izango dute herritarrek, eta afaria ere antolatuko dugu urteurrena mahaiaren bueltan ospatzeko.

2012ko kultur ekintzak

View more presentations from goiztiriaekgoierri

Urteurrena dela-eta logotipo lehiaketa antolatu dugu, eta lehiaketa irabazlea Mikel Ruiz de Azua Eguren aramaioarra izan da. Berak azaldu duenez, logotipoko geziak eboluzioa, prozesua edota hazkuntza irudikatu nahi du. Gezi honen bitartez, 25 urteetan landu diren aspektu eta esfortzuak baloratu nahi ditu, eta urte bakoitzeko fruitua zirkulu baten bidez transmititu. Horregatik, gezia 25 zirkuluz osaturik dago, urteak pasa ahala gero eta zirkulu handiagoak direnak, gero eta gehiago garelako eta izango garelako.

Aurkezpena bukatzeko, urteurrenerako egindako abestia aurkeztu genuen. Black Jiko taldeak egin du doinua, eta Iñaki Apalategi bertsolariak letra. Behean duzue abestia eta abestiarekin egindako bideoa. Gozatu!

Lehen eguneko lotsa (basque reggae feat. Iñaki, Jiko & Leire) by Goiztiriaekgoierri

Oroitarria dokumentalari buruzko solasaldia egin dute ikasleek

2012-01-31T10:53:00.005+01:00

Oroitarria dokumentala ikusi zuten Goiztiri AEK-ko iluntzeko taldeetako ikasleek joan den ostegunean, hilak 26, Beasaingo Udaleko Batzar Aretoan. Dokumentala poliziek 1978ko San Ferminetan hil zuten German Rodriguezen omenezko oroitarriari buruzkoa da. Memoria historikoaren garrantzia nabarmendu nahi du dokumentalak. Ikus-entzunezkoaren ondoren, solasaldia izan zuten aretoan. Ikusitakoari buruzko iritziak emateko aukera izan zuten bertan bildutako ikasle eta irakasleek. Gustura geratu ziren ikasleak saio berezi honekin. Ekitaldi hau Goiztiri AEK-k antolatu zuen Argia aldizkariaren laguntzaz.

Euskaltegiaren 25.urteurrena aurkeztuko dugu bihar

2012-01-30T10:49:00.004+01:00

Goiztiri AEK Euskaltegiak 25 urte beteko ditu ikasturte honetan, eta euskaltegiaren ibilbidea ospatzeko hainbat ekitaldi eta ekintza izango ditugu otsailetik ekainera arte. Ekintza horien berri emango dugu bihar, hilak 31, Ordiziako D'Elikatuz zentroan, 19:00etan. Horretaz gain, urteurreneko logotipoa eta abestia aurkeztuko dugu. Amaieran, askaria izango da D'Elikatuzen biltzen direnentzat. Guztiok gonbidatuta zaudete biharko ekitaldira!

Errobi euskaltegian ere euskaraz bizi nahi dute

2012-01-26T13:27:00.004+01:00

Nafarroako Izarbeibar eskualdean dago Errobi euskaltegia eta bertako lagunek Etorri gurekin izeneko bideoa egin dute. Argi utzi dute euskaraz bizi nahi dutela. Bejondeizuela!

Oroitarria dokumentala ikusteko aukera izango da bihar Beasainen

2012-01-25T11:11:00.004+01:00

Oroitarria dokumentala ikusi ahal izango da bihar, osteguna, Beasainen. Dokumentala Germanen oroitarriari buruzkoa da, 1978ko San Ferminetan poliziek hildako Germanen omenez jarritako eskulturari erreferentzia egiten diona. Dokumentalak 46 minutuko iraupena du, baina ikus-entzunezkoaren ondoren, solasaldia izango da, ikusitakoari buruz hitz egiteko. Emanaldia 19:00etan izango da Beasaingo Udaleko Batzar Aretoan. Ekitaldi hau Goiztiri AEK Euskaltegiak antolatu du Argia aldizkariaren laguntzaz.

Euskal dantzen ikastaroa antolatu dute Ordizian

2012-01-25T10:28:00.003+01:00

Euskal dantzen ikastaroa izango da Ordizian larunbatero, otsailaren 4tik martxoaren 24ra arte. Hiru talde banatuko dituzte ezagutzaren arabera: oinarrizko taldeak 11:30ean izango du dantza ikastaroa; 1.mailakoek, oinarrizkoa behin egindakoek, 15:00etan izango dute klasea, eta gainerakoek 16:30ean. Dantza klaseak Majori kiroldegian egingo dituzte. Izen-emateko epea datorren asteazkenean, otsailak 1, amaituko da. Interesa duenak Hitzaro Euskara Elkartearen telefono zenbakira, 943162366, dei dezake edo e-posta bat bidali hitzaro@gmail.com helbidera. Dantza ikastaroko parte hartzaileek 35 euro ordaindu beharko dituzte.

Euskal dantzen ikastaroa

View more documents from goiztiriaekgoierri

Hamaikagarren zen aholkua eman digute onlineko kideek

2012-01-23T12:08:00.005+01:00

Oteiza gogorarazten duen aholkua dakarte oraingoan E-uskaltegia online zerbitzuko kideek. Hustutasuna eta betetasuna dute hizpide. Ikusi eta ikasi!

Anbulantziako langileekin izan dira ikasleak

2012-01-20T14:49:00.005+01:00

Anbulantzia medikalizatua barrutik ezagutzeko aukera izan zuten Segurako AISA taldekoek eta Idizabalgo euskalduntze taldekoek. DYAko anbulantzia eta bertako bi langile izan ziren herenegun Segurako plazan. Ikasleek anbulantziaren barrualdea ezagutu zuten eta ibilgailuan izaten duten materiala eta baliabideak ere ikusi zituzten. Ikasleetako batek zaurituaren papera hartu zuen eta horrelako kasuetan anbulantziako langileek jarraitzen duten prozedura ere irakatsi zieten langileek.

Online ikastaroetako matrikulazio epea ere zabaldu dute

2012-01-19T14:06:00.000+01:00

Aurrez aurreko klaseetara joaterik ez dutenek on-line bidez ikastaroak egiteko aukera dute. HABEren mailetarako azterketak prestatzeko 100 orduko ikastaroak izango dira otsailetik aurrera. Animatu eta eman izena!

Azterketak prestatzeko ikastaroak

View more documents from goiztiriaekgoierri

Anbulantzia medikalizatuaren barrualdea ezagutuko dute ikasleek

2012-01-18T11:37:00.007+01:00

Segurako AISA taldeko ikasle batek bere langintzaren berri emango die gainerako ikaskideei eta anbulantzi medikalizatua erakutsiko die. Barrutik nolakoak diren, zein baliabide dituzten eta gauza bakoitzak zertarako balio duen erakutsiko die Seguran biltzen direnei. Ikasle guztie dago zabalduta bertan parte hartzeko gonbita. Arratsaldeko zazpietan izango da ikastarotxoa. Joan, ikusi eta ikasi!

Hamargarren zen aholkua

2012-01-16T11:27:00.001+01:00

E-uskaltegia on line zerbitzukoek hamargarren zen aholkua irakatsi digute ondorengo bideoaren bitartez. Lasaitasunaren garrantzia nabarmendu dute. Ikusi eta ikasi!

Eskaileretako istorioak

2012-01-12T11:05:00.005+01:00

Urte berrian ere Goierriko Kastaren testuak argitaratzen jarraituko dugu. Gaurkoan Irati Goikoetxea idazlearen testua ekarri dugu hona. Eskaileretan kokaturiko istorioa kontatu du beasaindarrak eta urte berria aipatzen du, gainera.

Irati Goikoetxea Asurabarrena 1984ko abenduaren 27an jaio zen Beasainen. Txiki-txikitatik ipuin, istorio, kontu eta kantu ugari jaso izan ditu gurasoengandik eta horrek bere arrastoa utzi duela uste du. Oso gaztetxotatik hasi zen ipuin, olerki eta bertsoak idazten; azken urteotan ipuingintzari heldu dio batez ere. Arraroa album ilustratua eta Orgasmus liburuan ipuin bat ditu argitaratuta, besteak beste.

Ofizioz matematika irakaslea da eta oraintxe Ikasketa Buru lanetan dabil Zizur Nagusiko institutuan. Matematikari heltzeaz gain, ikasleekin literatur emanaldiak antolatzen ditu eta irakurle talde bat ere martxan jarri dute irakasle, ikasle eta gurasoen artean.

Irakurtzeari eta idazteari afizioz heltzen dio eta oraintxe ipuin-liburu batean jarriak ditu bere gogo eta ilusioak. Astean hiruzpalau aldiz bere bloga elikatzen ere saiatzen da eta larunbatero Itaka literatur saioa egiten du Segura Irratian. Egiten duenarekin eta egin nahi duenarekin zoriontsu bizi da.

Irakurri testua eta gozatu!

Eskaileretan

View more documents from goiztiriaekgoierri

Matrikula epea irekita dago

2012-01-12T10:25:00.005+01:00


Goiztiri AEK-kook matrikula epea zabaldu dugu hemendik ikasturte
amaierara arte euskara ikasteko interesa dutenek aukera izan
dezaten. Gaurtik urtarrilaren 27ra arte izango da izena emateko
aukera. Horretarako, ondorengo telefono zenbakietara deitu
edo e-posta bidali azpiko helbide hauetako batetara:

943 88 93 40 /943 88 91 74 beasain@aek.org ordizia@aek.org

Animatu eta izena eman! AEK-k hitza ematen dizu!

Hauexek dira une honetan Goiztiri AEK euskaltegiak dituen taldeak:

HERRIAK	ESKAINTZAK(Europako markoa)	ORDUTEGIA
LEGORRETA	B1 (goi urratsak)	14:30-16:30
ITSASONDO	A2(behe urratsak)	19:00-21:00
ORDIZIA	A1(behe urratsak) B1(goi urratsak) EGA AUTOIKASKUNTZA (maila guztiak)	09:30-11:30 18:00-20:00 18:00-20:00 Ordutegi egokitua
BEASAIN	A2 (behe urratsak) C1( goi urratsak) AUTOIKASKUNTZA (maila guztiak)	9:30-12:00 18:00-20:00 Ordutegi egokitua
IDIAZABAL	A1(behe urratsak)	19:00-21:00
SEGURA	A2(behe urratsak) AISA(etorkinentzat)	19:30-21:30 17:00-19:00
ORMAIZTEGI	A2(behe urratsak)	19:30-21:30

Goierriko Kastaren errezitaldia izango da bihar Beasainen

2012-01-11T13:38:00.003+01:00

Goierriko hainbat literaturzale eta idazlek osatzen dute Goierriko Kasta taldea eta bihar euren testuak irakurriz errezitaldia egingo dute Usurbe Antzokiko Erakusketa Aretoan, iluntzeko zortzietan. Igor Alustiza musikaria izango dute lagun errezitaldian. Gogoratu Goierriko Kastakoen testuak argitaratzen ditugula hilero blogean. Eskuinean dituzue euren testuak bilduta, Goierriko Kasta etiketapean. Sartu eta irakurri!

Lehiaketako sariak irabazleen eskuetan daude

2012-01-11T12:42:00.004+01:00

Hilabetero-hilabetero egiten dugu lehiaketa eta erantzuna asmatzen dutenen artean zozketatzen ditugu sariak. Lapurdiko Azkain herrian bizi den Txominek lortu zuen azaroko lehiaketako saria eta abenduan Goierrin izan ziren Liburu eta Disko Azoketako baterako 50 euroko bonoa lortu zuen. Lehiaketan parte hartu zuenean argi utzi zuen gustura asko etorriko zela Goierri aldera saria lortuz gero, eta halaxe egin zuen! Abenduko lehiaketa, berriz, euskaltegiko ikaslea den Jokin Ibañezek irabazi zuen. Ibañez Beasaingo iluntzeko taldeko ikaslea da. Beheko irudian agertzen da alai asko, eskuartean saria duela. Zorionak biei!

Gogoratu hilabete honetako lehiaketa ere martxan dagoela. Parte hartu!

Sukaldaritza ikastaroa egin dute Segurako ikasleek

2012-01-10T11:00:00.001+01:00

Segurako Aisa taldea eta euskalduntze taldea Elorri elkartean bildu ziren abenduaren 20ean sukaldaritza ikastaroa egiteko. Ikastaro honetan, Rquia eta Khadodouf ikasle marokoarrek bertako taloak eta tea prestatu zituzten, eta Daniel argentinarrak Panquequeak, krepen antzekoak prestatu zituen.

Aisako taldeak sukaldaritza saio honi begira azken asteetan hiztegia eta azalpen laburrak landu zituen. Bertaratu ziren segurarrei azalpenak euskaraz eman zizkieten eta ezin hobeto moldatu ziren.

Amaitzeko, prestaturiko jan guztiarekin giro bikainean afari meriendatxoa egin zuten.

Hona hemen sukaldaritza ikastaroan egindakoak prestatzeko errezetak, etxean egin nahi izanez gero. Saiatu eta on egin!

Sukaldaritza ikastaroa

View more documents from goiztiriaekgoierri

Bukatu da, bukatu da, akabo! Hemen gara berriro!

2012-01-09T07:02:00.001+01:00

Urte berri on guztioi! Ederki pasatu dugu oporretan, baina... Bukatu da, bukatu da, akabo! Urtarrilaren 9an, gaur, ekin diogu berriro lanari, opor luzeon ostean. Inoiz baino indartsuago eta gogotsu lanari ekin diogu euskaltegietan. Hemen gara bai berriro! Ongi etorri!

Eguberri on, EUSKALAKARIOK!

2011-12-23T13:00:00.000+01:00

Gabonetako postal lehiaketak baditu irabazleak

2011-12-23T09:18:00.001+01:00

Gabonetako postal lehiaketako sari banaketa  egin zen atzo, abenduak 22, Barrena jauregian.
Ordiziako Jakintza Ikastola eta Urdaneta-Oianguren ikastetxeetako 5, 6 eta DBH1 mailetako
ikasleak izan ziren protagonista.  Goiztiri AEK-k antolatzen duen Eguberrietako postal
lehiaketaren irabazleak jarraian datozen hauek izan dira.

A) POSTAL LEHIAKETA: 5, 6 eta DBH1eko ikasleei zuzendua. Bi ikastetxeek hiruna sari. Gaiak Euskal Herriko Eguberri edota Gabonekin lotura izan du.

+ Jakintza Ikastola:

1. saria: SAIOA ARREGI (DBH1)
2. saria: AINARA ZUBELDIA (DBH1)
3. saria: LEIRE URDANGARIN (5.A)
Urdaneta-Oianguren Ikastetxea:

1. saria:LIDE ERBINA (6.MAILA)
2. saria: ARKAITZ PEÑALVER (?)
3. saria: OMAR RODRIGUEZ (DBH 1)

Lehiaketan parte hartutako postalekin erakusketa egingo da Barrena jauregian urtarrilaren 9ra arte. Joan, ikusi eta gozatu!

Gabonak, neguko solstizioa.

2011-12-22T07:00:00.000+01:00

Neguko solstizioarekin loturik hainbat errito daude Euskal Herriko tradizioen artean, hala nola gabon zuzia, Eguberritan etxeko suan erretzen den enborra. Antzina, animaliak araztu egiten ziren enbor horren gainetik igaroaraziz. Are Eguberriaren izena ere eguzkiaren jaiotzaren ideiarekin loturik dago. Gabonetan, eguzkia bere punturik baxuenera iristen da, zerumugan, eta une horretatik bertatik hasten dira egunak luzatzen. Ezagutzen ditugun kultura guztiek ospatu dute eguzkiaren etorrera-errituekin, eta, kasu askotan, gaur egun arte iraun dute. Eguzkiaren etorrerarekin, herriek lurraren emankortasun garaiaren etorrera ospatzen dute. Egun horietan ospatutako errituetan, hildako senitartekoei, biziak zaintzeko eskatzen zieten. Kultura askotan, Gabonetan eguzkia gurtzen da, su handiak piztuz. Erritu horiek guztiak, egun, Euskal Herrian bezalaxe, kristautasunak izan zuen eraginaren ondorioz, egin zuenaren ondorioz, paganismoaren eta kristautasunaren nahasketa dira. Ez ditzagun ohitura zaharrak ahaztu!

Nik euskaraz bizi nahi dut! Eta zuk?

2011-12-21T07:00:00.006+01:00

Filosofia horri jarraiki, arlo askotako jendea ari da bere ekarpena egiten. Batzuek, ekintza ezagunagoak burutuz, hala nola, Esne Beltzak sortu duen kanta edota hogeita bat euskal idazleren artean osatu duten liburua. Beste batzuek, hainbeste oihartzun ez dute, ekimen apalagoen bidez ari dira, baina guztion beharra dago. Izan ere, euskaraz bizitzeko nahia agertzeko moduak hamaika izanagatik, hamaika dira ere euskaraz bizitzeko hautua gauzatzeko erak. Zein da zurea? Euskararen Gizarte Erakundeen Kontseiluak pasa den urriaren 28an aurkeztu zuen Euskaraz bizi nahi dut dinamika Donostiako Doka Kafe Antzokian. Dena dela, udan zehar hainbat eta hainbat izan dira abian jarri eta euren ekimenak aurretik burutu dituztenak. Euskaraz bizitzearen nahia aldarrikatzea du helburu aipatu dinamikak, zelan eta euskararen aldeko eragile guztiak nola edo hala zipriztinduz. Hortaz, euskaraz bizi nahi duen orok ekarpena egitea da bere baitan jasotzen duen filosofia.

Literatura tertuliako 11. saioa burutu zuten Seguran.

2011-12-20T09:22:00.013+01:00

Berezia izan zuten, liburu azoka aitzakia, beronen egitarauaren barruan txertatua zegoen tertulia. Goizalde Landabaso bilbotarra izan zuten Botikaxahar kulturgunean eta bere “Bränskint” ipuin bilduma liburua mintzagai. Ordu eta erdiko solasaldi aberatsa izan zen eta besteak beste, argitu zizkien Goizaldek, liburuaren izenburuaren nondik norakoak; zergatik ipuinak, nola eraikitzen doan hiria eta baita zergatik iluntasun bere ipuin-poemetan. 12.ena martxo amaieran egingo dute. Abenduaren 27an, Gospel kontzertua ere burutuko dute Seguran, arratsaldeko 7etan mojen komentuan. Errepertorioko abesti gehienak euskaraz kantatuko dituzte.

22.Euskal Liburu eta disko azokan jende andana.

2011-12-19T15:43:00.017+01:00

22.Euskal Liburu eta disko azokara jende ugari hurbildu da asteburuan. Beasaingo Goiztiri AEK Euskaltegiak eta Udalak elkarlanean antolaturiko 22. Liburu eta disko azoka, ostiralean ireki, eta atzo, igandea, itxi zen. AEK zein Udalarekin batera Beasaingo hainbat elkarte eta eragilek haur, gazte zein helduei zuzenduriko egitarau sendoa eskaini dute. Azoka Gernika pasealekuko pilotalekuan izan da. Euskal liburu, disko eta joko ugari saldu da bertan, heldu, gazte zein umeentzako.

Zen aholku gehiagoren berri eman dute on-line zerbitzukoek.

2011-12-14T07:00:00.000+01:00

E-uskaltegiko on-line zerbitzuko kideek aholkuak ematen jarraitzen dute eta beste bi bideo prestatu dituzte ikasleentzat. Ea gustatzen zaizkizuen! Eta...

22.liburu eta disko azoka Beasainen datorren asteburuan.

2011-12-11T20:25:00.014+01:00

Beasaingo ELEDA liburu eta disko azoka abenduaren 16tik 18ra bitartean burutuko da Gernika pasealekuko frontoian. Euskaraz argitaraturiko produktuen azoka ostiralean hasiko da Beasainen. Beasaingo Goiztiri AEK Euskaltegiak eta Udalak elkarlanean antolaturiko 22. Liburu Azoka izango da. AEK zein Udalarekin batera Beasaingo hainbat elkarte eta eragilek haur, gazte zein helduei zuzenduriko egitarau sendoa prestatu dute. Azoka Gernika pasealekuko pilotalekuan izango da igandera arte. EGITARAUA:

Abenduak 16, ostirala:

- Goiza: ikastetxeetako bisitak - Arratsaldea:

18:30 Irekiera ekitaldia: Aurtzaka, Bertso eskolako ikasleak...

20:00 Igartzako jauregian "Eta orain badakit Itsaso kontra bat" hitz, musika eta irudizko poesia irakurketa.

Abenduak 17 Larunbata - Goiza:

13:00 Udal Musika Eskolako Trikitilariak

- Arratsaldea:

17: 00 Mintzodromoa

19:00 Iruñeako erraldoiak eta gaztaina erreak

Abenduak 18 Igandea - Goiza:

12:30 Migel Angel Mintegiren Heriotza zuriz jantzita liburuaren aurkezpena

13:00 Kantujira

Iñaki Perurenaren hitzaldian izan dira Beasaingo arratsaldeko taldekoak

2011-12-05T14:37:00.003+01:00

AEK euskaltegiko Beasaingo iluntzeko taldeko ikasleak Seguran izan ziren ostegunean Iñaki Perurena harri jasotzailearen “Harri eta herri” izenburupeko hitzaldia entzuten. Perurenak, besteak beste, harriarekin egindako bere lorpenak izan zituen ahotan, bere bizipenak tartekatuz. Harriek bere bizitzan izan duten lekua eta esanahia azaldu zituen, hizkera fresko eta naturalez, jendez betetako kultur etxeko areto nagusian.

Goierriko Kultur Zirkuituaren baitan antolatutako ekimena izan zen ostegunean Seguran egindakoa.

Euskararen Nazioarteko Eguna ospatzeko hainbat ekitaldi izango dira eskualdean

2011-12-01T13:37:00.008+01:00

Euskararen Nazioarteko Eguna ospatuko da etzi, abenduak 3, eta hori aitzakitzat hartuta

hainbat ekitaldi antolatu dituzte asteburuan Goierrin. Ordizian Hitzarok biharko antolatu ditu ekitaldiak herriko enparantza nagusian. Gaztaina jana egingo dute 18:00etan eta 19:00etan kantu jira egingo dute Larrun Arri elkarteko kideen laguntzaz. Itsasondon kantu afaria egingo dute bihar Arbelaitz elkartean. Larunbatean, ipuin kontalaria ariko da Gaztelekuan 17:00etan, eta 18:00etan trikitilariak ibiliko dira plazan. Azkenik, 19:30ean, talo jana egingo dute. Seguran, berriz, Euskararen Nazioarteko Eguna eta Gazte Asanbladaren II.urteurrena ospatuko dute. Azpian duzue egitaraua.

Segurako Egitaraua 2011

View more documents from goiztiriaekgoierri

Igogailu barruko istorioa

2011-12-01T13:02:00.003+01:00

Goierriko Kastako kideek testuak sortzen jarraitzen dute, eta abenduan Joseba Zubizarreta Urbizuren kontakizunaz gozatzeko aukera daukagu. Zubizarreta zegamarra da jaiotzez eta Telekomunikazio Ingeniaritza ikasi zuen Bartzelonan. Geroztik ingeniari lanetan aritu da. Gaztetan sariren bat edo beste irabazitakoa dugu zegamarra eta helduagotan ere lortu ditu beste pare bat. Abenduko testu honetan igogailua aukeratu du istorioa kokatzeko. Zer gertatuko ote da igogailuaren barruan? Irakurri eta jakingo duzue!

Igogailuan

View more documents from goiztiriaekgoierri

Euskarazko birao lehiaketa antolatu du Ordiziako Gazte Asanbladak

2011-11-30T15:30:00.003+01:00

Sarritan gaztelaniazko hitzak erabiltzen ditugu biraoka hastean. Hori horrela izanik, euskarazko birao lehiaketa antolatu du Ordiziako Gazte Asanbladak. Abenduaren 2tik 4ra izango da lehiaketa; hau da, ostiraletik igandera.

Lehiaketan parte hartu nahi duenak biraoa paper batean idatzi behar du bere izen-abizenak jarriz, eta tabernetan jarriko dituzten postontzietan sartu. Lehiaketako lehen bostek Goierriko Hitzaren urteko harpidetza lortuko dute.

Mintzodromoa izango da Beasainen Liburu eta Disko Azokaren barruan

2011-11-29T11:30:00.003+01:00

Mintzodromoa egitasmoa antolatu da abenduaren 17an, Liburu eta Disko Azokaren barruan, euskararen kale erabilera sustatze aldera. Horretarako, karpa bat jarriko dute Gernika pasealekuan eta euskara ikasten ari den jendea euskaraz hitz egiten duen jendearekin eseriko da mahaiaren bueltan intereseko gaiez hitz egiteko.Ordubeteko bi saio izango dira, bata 17:00etan hasiko da eta bestea 18:00etan. Parte hartu nahi duenak abenduaren 3ra arte, larunbata, eman dezake izena 943 02 81 00 telefono zenbakian edo mintzalaguna@beasain.net e-posta helbidean.

Beasaingo Udalak, Udal euskaltegiak, Mintzalagun egitasmoko kideek eta Goiztiri AEK-k antolatu dute ekimen hau.

Mintzodromoa

View more documents from goiztiriaekgoierri

Logotipo lehiaketa izango da 25.urteurrena ospatzeko

2011-11-28T10:37:00.003+01:00

Goierriko Goiztiri AEK euskaltegiak 25 urte beteko ditu ikasturte honetan eta, hori ospatzeko eta irudikatzeko, logo lehiaketa antolatu dugu. Lehiaketa edonori irekia dago, eta parte hartu nahi izanez gero azpian agertzen diren oinarriak eta baldintzak onartu beharko dira. Animatu eta parte hartu!

Logotipo lehiaketa

View more documents from goiztiriaekgoierri

Maite zaitut

2011-11-24T14:07:00.002+01:00

Pirrit eta Porrotxen abestirik ezagunena duzue Maite zaitut abestia. Honezkero, buruz jakingo duzue guztiok, ezta? Ea letra osatzeko gai zareten, lagunok!

Maite zaitut

View more documents from goiztiriaekgoierri

Igartubeitia museoan izan dira Beasaingo goizeko taldekoak

2011-11-23T13:11:00.012+01:00

Ezkio-Itsasoko Igartubeitia interpretazio-museoan izan ziren joan den ostegunean, azaroak 17, Beasaingo goizeko taldeko ikasleak. Goiz pasa ederra egin zuten eta euskaltegiko eta blogeko irakurleoi bertan ikusitakoa kontatu nahi izan digute azpiko testuaren bitartez. Irakurri eta ea zer iruditzen zaizuen!

Beasaingo goizeko taldeko ikasleak.

Museoko gida azalpenak ematen.

Baratzako uzta sartzeko kutxak.

Igartubeitia baserria

View more documents from goiztiriaekgoierri.

Euskara Iruditan mosaikoan parte hartzeko aukera duzue

2011-11-22T11:23:00.006+01:00

Euskararen Nazioarteko Eguna izango da datorren astean eta, egun hori gogoan izanez, Euskara Iruditan izeneko ekimena jarri du martxan Donostiako Euskararen Udal Patronatuak. Argazki mosaiko erraldoia eraiki nahi dute, anitza bezain deigarria eta herritarrekin elkarlanean, euskararen erabileran izandako bilakaera iruditan jasoz. Euskarak historian, norberaren bizipenean, hirian, gizartean...izan duen eta duen presentzia irudikatu nahi dute, azken finean.

Londresen ere euskararen alde (Mosaikoko argazkia)

Norberak kargatu dezake bere irudia Guk ere euskaraz izeneko webgunean. Irudiaren edukia edonolakoa izan daiteke. Baldintza bakarra irudiak norbera euskararekin lotzen duen esanahi berezia izatea da eta irudiarekin batera lotura hori azaltzea 103 karakteretan, asko jota.

Animatu eta parte hartu mosaikoan!

Euskara Batzordearen lehen bilera etzi izango da Ordizian

2011-11-21T12:02:00.003+01:00

Ordiziako Udal Batzordeak aste honetan jarriko dituzte martxan, lehen bilerak eginez. Euskara Batzordea etzi, azaroak 23, bilduko da eta edozein herritarri zabalduta dago bertara joateko gonbita, euren ideiak, kezkak eta proposamenak elkarbanatu ahal izateko. Lehen bileran batzordearen egituraketa eta funtzioak zehaztuko dituzte. Horretaz gain, EBPNeaz hitz egingo dute eta baita Erabilera Planaz ere. Azkenik, bertaratzen direnentzako tartea izango da,bileran aipatu ez den beste zerbait gaineratu ahal izateko. Batzordean parte hartzeko interesa dutenek Ordiziako Udaleko Batzar Aretora jo beharko dute asteazkenean, 19:00etan. Animatu eta parte hartu!

Beasaingo arratsaldeko taldeak ipuin pre-erotikoak entzun ditu Lazkaon

2011-11-17T10:47:00.007+01:00

Beasaingo arratsaldeko taldeko ikasleak Lazkaon izan ziren asteartean Joxe Mari Carrerek kontatutako ipuin pre-erotikoak entzuteko. Ikasleek Gerriko Txokoan bizi izan zutenari buruzko kronika idatzi dute. Hona hemen lehen kronika:

Atzo, azaroak 15, 18:45ean Lazkaoko Gerriko Txokora joan ginen Beasaingo Goiztiri AEK euskaltegiko ikasleak, ipuin kontalaria ikustera.

Kontalaria Joxemari Carrere izan zen eta txokoa beteta zegoen; 40 pertsona baino gehiago zeuden, gehienak euskara ikasten ari garen ikasleak ginen.

Kontatu zituen istorioak pre-erotikoak izan ziren. Kontalariak metaforen bidez eta bere eskuen eta aurpegiko keinuekin pre-erotismoaren definizioa transmititu zigun. Gizon horrek erraztasun handia zeukan jendearengana ailegatzeko.

Oso gustura egon ginen eta hurrengo hitzaldira joatea gustatuko litzaiguke Segurara Iñaki Perurenari entzutera.

Bigarren kronika:

Atzo azaroaren 15ean arratsaldeko 18:45ean Lazkaoko Gerriko Txokoan hitzaldi bat antolatu zuten Goierriko Kultur Zirkuitoaren barruan, “Maitasun arbola ipuin pre erotikoak” izenarekin. Joxepa eta Inaxio egon ziren antolatzaile aldetik eta hizlaria Joxe Mari Carrere Zabala izan zen. Berrogeita hamar entzule egon ginen eta gehienak Maizpideko eta AEK euskaltegiko ikasleak ginen.

Hizlaria oso gertukoa eta atsegina izan zen. Bi hitz aipatu zituen: erotikoa eta pornografikoa. Azkenean esan zuen erotikoa sexua zela eta sexuari buruzko ipuinak kontatuko zituela. Eta sexuari buruzko hainbat ipuin kontatu zizkigun; hasieratik hasi, Adanekin jarraitu eta zuhaitzaren ipuinarekin bukatu zuen.

Hitzaldiak iraun zuen bitartean aipatu zituen masturbazioa, zakil txiki eta handiak, penetrazioa zenbat aldiz, etab.

Gu oso gustura egon ginen, barre asko egin genuen. Bera oso espresiboa izan zen, asko mugitzen zituen gorputza eta eskuak, azalpenak hobeto ulertarazteko.

Postal-lehiaketa martxan da

2011-11-16T11:47:00.004+01:00

Urtero bezala postal-lehiaketa antolatu du Goiztiri AEK-k Ordiziako Udalarekin elkarlanean. Jakintza eta Urdaneta ikastetxetako ikasleek hartuko dute parte lehiaketan. Azpian dauzkazue lehiaketako baldintzak. Animatu eta parte hartu, gaztetxoak!

Postal-lehiaketa

View more documents from goiztiriaekgoierri.

Goierriko Kastakoen azaroko testua

2011-11-16T09:51:00.006+01:00

Goierriko Kastakoekin dugun elkarlanarekin jarraituz, hilabete honetan ere irakurtzeko testu berri bat izango dugu. Azaroko testua egiteaz Juan Mari Apaolaza Estensoro zeraindarra arduratu da. Apaolaza Zerainen jaio zen 1964ean eta Bergarako Idazle Eskolan ikasi zuen. Egunkarietan, aldizkarietan eta beste hainbat lekutan erein du idazketaren hazia. Irakurri bere testua eta lagundu ereindako hazia zabaltzen!

Aita- semeen bidegurutzea.

View more documents from goiztiriaekgoierri.

Igartubeitia museora joango dira euskaltegiko ikasleak

2011-11-15T11:41:00.003+01:00

Goiztiri AEK-ko irakasle eta ikasleek irteera antolatu dute Ezkio-Itsasoko Igartubeitia museora joateko. Ostegunean, azaroak 17, joango dira goizeko hamarretan eta interpretazio zentroa ezagutuko dute. Museora joateko interesa duen orok mezua bidal dezala beasain@aek.org helbidera edo 943 88 93 40 telefono zenbakira deitu. Igartubeiti museora sartzeko sarrerak euro bat balio du. Animatu, beraz!

Ormaiztegiko ikasleak Mendi Asteko 'Bolivia' hitzaldian izan dira

2011-11-14T11:33:00.012+01:00

Unai Lete eta Eneko Mugika ormaiztegiarrak

Ormaiztegin mendi astea ospatu zuten azaroaren 7tik 13ra, eta joan den ostegunean bertako ikasleak Unai Lete eta Eneko Mugikaren ikus-entzunezko hitzaldian izan ziren. Lete eta Mugika ormaiztegiarrek udan Boliviara egindako bidaia kontatu zuten kultur etxeko areto nagusian. Boliviako hainbat mendi igo zituzten eta bizitako abenturen berri eman zieten bertaratu ziren herritar eta ikasleei. Gure ikasleek arreta handiz jarraitu zuten hitzaldia, eta irudi eta istorio ederrez gozatzeko aukera izan zuten.

Ormaiztegiko ikasleak pozik hitzaldiaren ondoren

Zen aholku gehiagoren berri eman dute on-line zerbitzukoek

2011-11-14T10:58:00.004+01:00

E-uskaltegia on-line zerbitzuko kideek aholkuak ematen jarraitzen dute eta beste bi bideo prestatu dituzte ikasleentzat. Ea gustatzen zaizkizuen!

Bixi-bixi irratsaioa entzuteko aukera izango da blogean

2011-11-09T17:45:00.012+01:00

Gaurtik aurrera Bixi-bixi irratsaioko entzuteko moduan izango dira AEK-ko ikasleak eta blogaren jarraitzaileak. Segurako EBPNaren barruan Segura Irratian asteazkenero egiten den irratsaioa da Bixi-bixi eta bere helburua eskualde mailako euskararen sustapena bultzatzea da, Segura abiapuntutzat hartuta.

Albistearen azpian duzuena 2011ko urriaren 5ean egindako saioa da, ikasturte honetako lehena.Hainbat gai izan zituzten hizpide irratsaioan: Euskadi Sariak eta Joseba Sarrionandia, Martin Ugalde, Juan Jose Alkain Irutegoiena...Segurako alkatea den Eluska Gerriko eta Asier Alustiza Kultura, Euskara eta Hezkuntza zinegotzia ere izan ziren euren kargu berrie buruz hizketan. Astero bezala, herrietako ekitaldien berri eman zuten eta Mintzalagun egitasmoa eta Gipuzkoako Bertsolari Txapelketa ere aipatu zituzten, besteak beste.

Bixi-bixi irratsaioa (2011ko urriak 5) by Goiztiriaekgoierri

Asteazkenero 12:15etik 13:15era izaten da saioa FMko 89.2an. Errepikapenak, berriz, ostegunetan 19:00etatik 20:00etara eta igandetan 8:00etatik 9:00etara izaten dira. Astez aste blogean zintzilikatuko dugu saioa zuzenean entzun ezin dutenek edo berriz entzun nahi dutenek nahi dutenean entzun dezaten. Entzun ba, Bixi-bixi!

Aholku gehiago ditugu euskara ikasleentzat

2011-11-07T10:52:00.002+01:00

E-uskaltegiko on-line zerbitzuko kideek aholkuekin jarraitzen dute eta beste bideo batzuk prestatu dituzte gomendio horiek irudikatzeko. Ikusi eta ikasi, beraz!

Euskaltegiko bi ikasle izan dira lehiaketako irabazleak

2011-11-03T15:24:00.006+01:00

Urriko lehiaketan Idiazabalgo saiorako bi sarrera zozketatu genituen eta Goiztiri AEK-ko bi ikaslek eskuratu zuten sari preziatua. Beasaingo goizeko taldeak Txapi ezizeneko bertsolari goierritarra Iker Zubeldia dela asmatu zuen, eta zorteak euren alde egin zuen. Bi sarrera soilik genituenez ezin izan zuten ikasle guztiek joan, eta, azkenik, Makulik eta Patxik izan zuten bertsoez gozatzeko aukera. Lehenengo bertso saioa zuten biek ala biek ere, baina "asko gozatu" zutela nabarmendu dute. Elkarri lagundu zioten bertsoak ulertzen, itzulpen lanak eginez tarteka, baina hori ez zen oztopo izan une gogoangarria bizitzeko. Hunkitu ere egin omen ziren behin baino gehiagotan, "oilo ipurdia" sortuz azalean. "Errepikatzeko moduko esperientzia" izan dela aipatu dute biek.

Pozten gara gure ikasleek esperientziaz gozatu izanaz eta euskal kulturaren zati den bertsolaritzaz zerbait gehiago ikusi eta ikasi izanaz. Gogorazi nahi diegu Makuli eta Patxiri, eta beste guztiei, oraindik badela G-puntuaz gozatzeko aukera! Igandean, esaterako, bi goierritar izango ditugu kantuan Azpeitiako kanporaketan: Iker Zubeldia 'Txapi' eta Iñaki Apalategi. Animatu, beraz!

Bien bitartean gozatu Idiazabalgo saioaren laburpenarekin.

Mintzalaguna egitasmoa aurkeztu dute Beasainen

2011-10-28T13:36:00.013+02:00

Mintzalaguna egitasmoaren berri eman zuten atzo, 18:30ean, Beasaingo Igartza jauregian. Egitasmo honen helburua herritarrengan euskaraz hitz egiteko ohitura sortzea da. Horretarako, astean behin biltzen dira taldekideak toki jakin batean mintzapraktika egiteko. Koldo Agirre alkateak Beasainen"herritarren erdia baino gehiago euskalduna dela" nabarmendu zuen eta beste zenbaitzuk "ulertu ere egiten dutela". Hori dela-eta, hitz egiteko pausoa ematen lagundu nahi die herritar horiei Beasaingo Udalak, Udal Euskaltegiak eta Goiztiri AEK-k.

Antolatzaileez gain, Igartza jauregian bildu ziren ikasturte honetan mintza-jardunetan parte hartuko duten lagunak. Aurreko urtetan mintzalagun izandako batek bere esperientziaren berri ere eman zuen. Horren ondoren, diapositiba bat erakutsi zuten egitasmoaren berri emateko. Azkenik, askaria izan zuten eta taldeko argazkia atera zuten jauregiaren kanpoan.

Mintzalagunean parte hartu nahi dutenek badute oraindik aukera. Interesa duenak Beasaingo AEK-k Urbialde plaza azpian duen egoitzara, Udal Euskaltegiak Jose Migel Iturriotz kalean duenera edo Beasaingo Euskara Sailera jo dezake.

Mintzalaguna Beasain 2011-2012

Irakurri albistea Goierriko Hitzan.

Ikusi albistea Goierri Telebistan.

Mintzalaguna egitasmoaren aurkezpena izango da gaur Beasainen

2011-10-27T09:59:00.005+02:00

Beasaingo Igartza jauregian aurkeztuko dute gaur Mintzalagun egitasmoa arratsaldeko sei eta erdietan. Egitasmo honen helburua herritarrei euskaraz hitz egiteko aukera ematea da, euskara erabiltzeko ohitura hartzea, alegia. Horretarako herritar horiek euren egunerokotasunean euskaraz hitz egiten duten lagunekin elkartuko dira astean ordubetez taldeak aukeratutako tokian. Beasaingo Udalak, Udal euskaltegiak eta Goierriko Goiztiri AEK euskaltegiak antolatzen dute egitasmo hau. Mintzalaguneko iazko partaideak. (Irudia: Goierriko Hitza)

Zaindu maite duzun hori

2011-10-24T11:29:00.002+02:00

Ruper Ordorikak ostegunean aurkeztuko du disko berria, 'Hodeien azpian' izenekoa, eta abagune hau aprobetxatuz bere kanta ezagun bat dakarkigu hona. Saia zaitezte bideoa ikusiz eta entzunez letraren hutsuneak betetzen. Gozatu!

Zaindu maite duzun hori

View more documents from goiztiriaekgoierri

Euskara ikasleentzako beste aholku bat dugu

2011-10-19T10:28:00.003+02:00

E-uskaltegia online zerbitzuko lagunek hirugarren bideoa prestatu dute ikasleei laguntzen jarraitzeko. Hauxe duzue 'zen' aholku berria: Hasi, beraz, igeri egiten!

Goierriko Kastako lanak Goiztiri AEK-ko blogean argitaratuko dira

2011-10-17T12:33:00.005+02:00

Goierriko Kasta eta Goiztiri AEK euskaltegia lankidetzan ariko dira ikasturte honetatik aurrera. Urritik hasi eta ikasturte amaierara arte hilero-hilero Goierriko Kastako kideren baten testua argitaratuko dugu blog honetan.

Goierriko Kastako hainbat lagunek hartuko dute parte martxan jarri berri dugun proiektu honetan. Iker Zaldua, Juan Mari Apaolaza, Joseba Zubizarreta eta Irati eta Ekaitz Goikoetxearen testuak izango ditugu blogean, besteak beste.

Hilabete honetako testuaren egilea Iker Zaldua Zabalua dugu. Euskal Filologiako ikasketekin batera beste hainbat ikasketa egin zituen Gasteizen. Euskal Filologiakoak amaituta besteekin jarraitzen du oraindik. Bitartean itzultzaile gisa lan egiten du, aurretik irakasle izan ostean. Denbora librean idatzi egiten du eta Goierri Irratian literaturari buruzko hitz-aspertuak edo aspertzeko moduko hitzak kalakatzen ditu.

Istorio errepikatua

View more documents from goiztiriaekgoierri

Bertsoa eta kantua izango dira gaur Beasainen eta Ordizian

2011-10-14T15:08:00.006+02:00

Gaurko eguna kultur jardunaldiz josita dugu Goierriko bi herri jendetsuenetan. Beasainen bertsoa izango da ardatza: 'Bertsolari ' filma estreinatuko dute 19:30ean Usurbe Antzokian eta 22:30ean, berriz, bertso saioa izango da. Bertan izango dira kantuan Sebastian Lizaso, Julen Agirre, Iñaki Apalategi, Sustrai Colina, Jon Maia eta Julio Soto.

Ordizian, berriz, kantu jira egingo dute 19:30ean eta ondoren afaria. Eztarriko ahots kordak findu nahi dituenak badu aukera gaur Ordizian! Animatu, beraz, ekitaldi hauetakoren batean edo gehiagotan parte hartzen!

Hiri hartan izan zen

2011-10-11T11:27:00.003+02:00

Mikel Markez musikariak bere azken diskoa kaleratu du eta 'Hiri hartan izan zen' abestia da aurkeztutako lehena. Bideoan Eñaut Elorrieta musikaria eta Uxue Alberdi bertsolaria ditu kantulagun musikari oreretarrak. Badaukagu abestiaren letra, baina osatu gabe. Ea gai zareten hutsuneak betetzeko bideoa ikusiz eta entzunez!

Hiri hartan izan zen (letra)

View more documents from goiztiriaekgoierri

Aholkuak euskara ikasleentzat

2011-10-10T10:28:00.003+02:00

E-uskaltegia online zerbitzuak gomendio batzuk eman nahi dizkie ikasleei ikasturte hasieran. Horretarako pare bat bideo 'zen' prestatu dituzte, zailtasunei soseguz aurre egin ahal izateko. Hauxe da lehenengo aholkua:

Hiztegiarekin arazoak dituztenentzat ere badute konponbidea: Egin kasu eta animo!

Euskara salbatuko al da diruari eta lanpostuei lotuta?

2011-10-05T10:09:00.005+02:00

Benito Lertxundi elkarrizketatu dute Noticias taldeko egunkarietarako, udazkenean hasiko baita disko berria grabatzen. Beste zenbait konturen artean ondorengo hau aipatu du musikariak:

"Gure kultura, hizkuntza, salbatzeko, politika da bide bakarra. Zer egiten dute estatu independienteek? Beren kultura inposatu. Euskara dirua eta lanpostuekin lotu, eta ikusiko duzu nola salbatuko den. Elebitasunaz zentzurik gabe hitz egiten da askotan. Herri honetan ez dago elebitasunik, ezinezkoa da 24 orduz euskaraz bizitzea, bai ordea gaztelaniaz. Hizkuntza bat derrigorrezkoa da eta bestea aukerazkoa. Hau lasai asko esaten da, eta ez dakit nola ez diren lotsatzen."

Argazkia: Dani Blanco

Zer iritzi duzue honetaz? Eman zuen iritzia!

Irakurri albistea Argia aldizkarian.

Gaur hasi dute ikasturtea Goiztiri AEK-ko ikasleek

2011-10-03T14:58:00.005+02:00

Urriko lehen astelehenean gogotsu eta irribarretsu agertu dira ikasleak ikasturteko lehen klasera. Goizean goiz nagiak ateratzeko beharra izan dute astelehena astintzeko, baina laster hasi dira ikasturterako helburuak eta eginkizunak zehazten: ikasi beharrekoak, kultur ekintzetan egin beharrekoak,klasetik kanpora hartu beharreko konpromisoak... Ikaskideekin berriketaldia egiteko parada ere izan dute, noski. Iazko ikaskideak agurtu dituzte eta elkarri udan egindakoaren berri eman diete. Ikasle berriei, berriz, ongietorria egin diete euren artera. Prest dira, beraz, eguneroko lanari heltzeko. Guk hitza emango diegu eurek erabil dezaten. Hemendik aurrera astindu, beraz, axota eta mingaina! Animo eta zorte on!

Idiazabalgo bertso saiorako sarrerak zozketatuko ditugu

2011-10-03T10:19:00.000+02:00

Abian jarri genuen apirilean Goiztiri AEKren blogaren lehiaketa. Hilabetero galdera bat proposatuko dizuegu eta blogaren eskuinean ondorengo irudian klikatuta ikusi ahal izango duzue: Hilabete honetako galdera:

Hilabete honetako galdera:

Zein bertsolari goierritarrek du TXAPI ezizena?

Saria: Idiazabalen urriaren 30ean izango den Gipuzkoako Bertsolari Txapelketako saiorako bi sarrera zozketatuko ditugu asmatzaileen artean.

Azken eguna: urriak 27.

Bidali zure erantzuna gure helbidera: goierri@aek.org

Eskaintza zabala du AEK-k.

2011-09-23T16:21:00.002+02:00

Ohiko klaseez gain hainbat egitasmo ere baditu AEK-k 11/12 ikasturterako:

BEASAINGO jubilatu eta pentsiodunen elkarteak Goiztiri AEK euskaltegiarekin batera EUSKARA IKASTAROA antolatu dugu.

2011-09-21T13:16:00.001+02:00

Etxeko txikiekin euskaraz komunikatu nahi duzu?

Lagunekin euskaraz murgildu nahi duzu?

Etor zaitez eta gurekin euskaraz ikasi eta egingo duzu!

MATRIKULAZIO EPEAK: IRAILAREN 22TIK 28RA

Izena emateko 943 88 48 04 (Juanjo Iturrioz) telefono zenbakira deitu

edo Beasaingo Jubilatu eta Pentsiodunen elkartera hurbildu.

Ordiziako euskal festetako asteazkeneko peri berezian zozketatutako loteak badu sariduna.

2011-09-17T10:43:00.004+02:00

Goierriko Goiztiri AEK euskaltegiak, Ordiziako euskal festetako asteazkeneko peri berezian zozketatutako bertako produktuez osatutako lotea, 1244 zenbakia duen txartelari egokitu zaio. Berau, Zaldibiako Jexux Mari Jauregik “Altzo Txiki” aurkeztu du. Argazkian ikus dezakegu saria jasotzerako garaian.

11/12 eskaintza-Oferta para los cursos 11/12

2011-09-13T15:03:00.002+02:00

MATRIKULA ZABALIK: irailaren 28a arte

goizez: 09:30-13:30
arratsaldez: 17:00-20:00

KLASEEN ORDUTEGIAK

3 ordu: 10:00-13:00
2 ordu: 09:30-11:30; 14:30-16:30; 18:00-20:00; 18:30-20:30; 19:30-21:30.

IRAUPENA ETA PREZIOAK:

3 orduko ikastaroak 495 ordu 772,74 € (astean 5 egun)
2 orduko ikastaroak 330 ordu 515,16 € (astean 5 egun) 270 ordu 411,48 € (astean 4 egun) 210 ordu 357 € (astean 3 egun)
Auto-ikaskuntza Hamabostean behin tutoretza 45 minutuz eta mintza saioa 1,5 ordu astero 590 €
Online ikastaroak: e-uskaltegian.

ORDAINKETA: ordainketa helbideratua (matrikularen %60 ikastaroa hasitakoan eta %40 azaroaren 30ean.

OHARRA: Udalek ikasleei matrikula subentzionatuko diete.

MATRIKULA ZABALIK 11-12 ikasturterako.

2011-09-12T18:34:00.028+02:00

11-12 ikasturterako matrikula zabalik da AEkn. Izena eman edo informazioa nahi baduzu irailaren 28a arte goizez 09:30etik 13:00etara eta arratsaldez 17:00etatik 19:30era Goierriko Goiztiri AEkren egoitzen ateak zabalik dituzu. ORDUTEGI ETA MAILA GUZTIAK

Todos los cursos y niveles

Udalek ikasleei matrikula subentzionatuko diete.

IKUS GURE ESKAINTZA

Matrikula zaitez!

2011-09-08T16:01:00.005+02:00

2011-2012 ikasturterako prestatutako matrikulazio kanpaina aurkeztu du .

2011-09-07T12:18:00.008+02:00

AEKren Artezkaritza Kontseiluak Euskaltzaindiaren Bilboko egoitzan aurkeztu du matrikulazio kanpaina. Bertan izan dira eginkizun horretan Asier Amondo, Helios del Santo, Oskar Elizburu, Iñaki Urkijo, Jakes Bortairu eta Mertxe Mugika AEKren koordinatzaile nagusia. AEKren Artezkaritza Kontseiluak euskara ikasi nahi izatea norberaren baitan dagoela jakinda, gainontzeko guztia jarri du euskara ikasi nahi duten euskalakarien eskura: euskaltegiak Euskal Herri osoan, urte osoan zehar zabaldutako barnetegia Foruan, irakasle talde prestu, prestatu eta eskarmentuduna, egunean bi orduko euskalduntze ikastaroak, ikastaro trinkoak, titulu homologatuak lortzeko aukera maila guztietan, 3. maila/EGA eta 4.a barne, auto-ikaskuntza, on-line ikastaroak www.egela.aek.org gunean, mintzamena lantzeko praktika jarduerak, lan mundua euskalduntzeko egitasmoak, itzulpen zerbitzua, AIZU! hilabetekaria irakur zaletasuna sustatzeko… Martxan da, beraz, ikasturtea AEKn.

Goierriko Goierriko Goiztiri AEKren euskaltegietako ordutegia.

2011-09-02T11:17:00.007+02:00

Irailaren 5etik aurrera Ordiziako eta Beasaingo Goiztiri AEKren egoitzen ordutegia hauxe izango da: goizez 10:00etatik 13:00era eta arratsaldez 17:00etatik 19:30era.

Bukatu da, bukatu da, akabo! Hemen gara berriro!

2011-09-01T16:15:00.006+02:00

Ederki pasatu dugu oporretan, baina... Bukatu da, bukatu da, akabo! Ekin diogu berriro lanari, dagoeneko, hasi gara hurrengo ikasturtea prestatzen euskaltegietan. Hemen gara bai berriro!

Beasaingo Goiztiri AEk Euskaltegiko ikasleak Leonen.

2011-07-21T13:07:00.017+02:00

Beasaingo Goiztiri AEK Euskaltegiko hainbat ikasle-irakasle, urtero legez, ikasturte amaierako txangoa egin dute. Aurten, Leon eta Oviedora joan dira. Ekainaren 17an, goizeko 7etan irten ziren Beasaindik autobus batean...14:30ean Leonera iritsi, poltsak Hotelean utzi eta bazkaltzera abiatu ziren. Ondoren, bisita gidatua egin zuten erdigunean. Katedrala, San Isidorro Kolegiata eta Botines izeneko jauregia... Monumentu guztien artean, gehien gustatu zitzaiena katedraleko beirateak izan ziren. Bisita gidatua bukatu ondoren, garai batean San Marcos ospitalea izandakora gerturatu ziren. Egun Paradore Nazionala da. Bertatik “barrio humedo” izena duen auzora joan ziren txikiteoan ibili eta afaltzera... Bertako produktuak ere dastatu zituzten.Parrandatxoa ere egin zuten baina berehala joan ziren ohera! Hurrengo egunean garaiz esnatu behar zuten-eta! Hurrengo egunean, goizeko hamaikak aldera, Astorgaruntz abiatu ziren. Bertan, informazio bulego batera hurbildu ziren ea zer ikus zenezaketeen galdetzera. Katedrala bera, museo bat da, Antoni Gaudik egindakoa. Plaza Nagusian ordulari bat dago eta orduero jotzen dituzte kanpaiak. Berau ikusi ondoren, “cocido maragato” bertako ohiko bazkaria jan zuten. Plater honen berezitasun garrantzitsuena haragia jaten hastean datza, amaiera zoparekin ematen baita. Arratsaldean "Castillo de los polvazares" delakora joan ziren.

Herri txiki eta polit hau ikusgarria da "Giza Ondare" izandatua dago. Arratsaldean Leonera itzuli eta bueltatxo bat eman ondoren bertako dantza talde bat ikusteko aukera ere izan zuten. Berriz ere “barrio humedo” izeneko auzora gerturatu ziren afaltzeko asmoz, baina jendez gainezka zegoenez beste auzo batera joan ziren. Nola ez, bertako produktuez eginiko afaria izan zuten! Ondoren ohera joan ziren zuzenean. Ederki asko ibili ziren. Hurrengo urtean gehiago eta hobeto!!!

Hurrengo eguna, azken eguna izan zen. Gosaldu maletak prestatu eta Oviedora abiatu ginen. Han bisita gidatu bat egin genuen hiria ezagutzeko. Bisita hau autobus batean egin genuen. Lehenik Santa Maria del Naranjoraino igo gintuzten. Bertaik hiri guztia ikusteko aukera dago. Autobusa utzi eta erdiguneko monumenturaino oinez gerturatu ginen. Oviedo hiria “magnolioz” betea dago. Igandea zenez gaita-jotzaileak eta dantzariak zeuden kaleetan zehar. Ohitura ona ez galtzeko sagardotegi batetara joan ginen bazkaltzera. Bertako sagardotegieta kupelarik egoten ez denez botilatik edan behar izan genuen. Pene apur batekin, arratsaldeko bostak aldera Euskal Herrirantz abiatu ginen. 11ak aldera etxean geunden berriz ere, asteburu on bat igaro ostean.

HABEren 4.mailako azterketa prestatzeko ikastaroa.

2011-07-14T09:40:00.008+02:00

Eskaintza berria aurtengo udan e-uskaltegian. Irailean HABEren 4. mailako azterketaren bigarren deialdia prestatzeko 40 orduko saioa antolatu du AEKren on line zerbitzuak. Ikastaroa HABEren 4. mailako azterketa prestatu nahi dutenei zuzenduta dago. IRAUPENA: 40 ordu. Irailaren 5etik 30era. LAN ERRITMOA: astean 5 ordu. LAN EGITEKO MODUA: erabat on line. Moodle plataforma erabiliko dugu ikastaroa burutzeko; beraz, modu praktikoan erakutsiko dugu zer den eta nola erabili. Bi oinarri izango ditu ikastaroak: ikasle eta tutoreen arteko harremana, eta ikaskideen artekoa. Lehena burutzeko posta elektronikoa erabiliko dugu eta bigarrena, berriz, foroen bidez. Biak nahitaezkoak gertatuko dira. BEHARREZKOAK DIRA: ordenagailu bat eskura edukitzea, posta elektronikoa (propioa ahal bada), denbora apur bat (5 ordu astero), eta euskaltegi batean 4. maila ikastaroa eta proiektua gainditua izatea. TEKNOLOGIA: ez da behar informatika maila aurreratua; bai, ordea, gutxieneko ezagutza ondoko arloetan: word edota antzeko testu-editoreetan, interneten erabileran edota posta elektronikoaren erabileran. PREZIOA: 200 euro. Abuzuaren 19a izena emateko azken eguna. INFORMAZIO GEHIAGO: e-idazkaritza@aek.org

Goierriko Hitza eta aldizkaria harpidetzak sustzeko kanpainan.

2011-07-11T08:48:00.006+02:00

Goierriko Hitzaren eta aldizkarien harpidetzak sustatzeko kanpaina egiten ari dira uztailean. Aurtengo udan ere euskaraz irakurri!

Oporrak laister!

2011-07-07T12:30:00.004+02:00

Laister, uztailaren 22an, oporrak hartuko ditugu eta irailean izango gara berriro zuekin. Ondo ondo pasa oporrak!

Goierriko Goiztiri AEKren ikasleak Aikur erle-museoan

2011-07-06T21:21:00.004+02:00

Goiztiri AEKren ikasleak Aikur erle-museoan izan ziren joan den astean. Hona hemen egindako bisita ederraren hainbat argazki.

Inguru naturalean murgildurik eta aparteko panorama batean, erleen bizimodu sekretu eta miresgarria aurkitu eta ezagutuko zuten. Bertan, erleen historiaren berri, nondik datozen, produktuen jatorria eta zertarako erabiltzen dituzten jakin ahal izan zuten. Aurrerantzean, erlezaintzak ez du ez joan zirenetzako sekreturik izango!

Ekaineko blogaren lehiaketaren irabazlea.

2011-07-06T21:15:00.013+02:00

Goiztiri AEKren blogaren ekaineko lehiaketak izan du sariduna. Ekaineko galdera ea asteazkenero, eguerdian, Segura irratian egiten duten saioak zein izen duen zen eta erantzuna BIXI-BIXI da. ELHUYAR HIZTEGI TXIKI bat zozketatu dugu asmatu dutenen artean.

Zozketan irabazle Beasaingo Maitane Legarreta izan da. Zorionak!

Goierriko Goiztiri AEKren aurtengo uda ikastaroen eskaintza

2011-06-28T15:42:00.006+02:00

HABEren 3.MAILA ( C1.) azterketa prestatzeko 40 orduko ikastaroa uztailaren 4tik 15era (20 ORDU) eta irailaren 12tik 23ra (20 ORDU). Goizeko 09:00etatik 11:00etara. Izena emateko azken eguna UZTAILAK 1, OSTIRALA. HARREMANETARAKO:

943 88 91 74 ordizia@aek.org
943 88 93 40 beasain@aek.org

edo hementxe topatuko gaituzu. UDAN ERE, ESAN BAI EUSKARARI!

"XX. txiste eta pasadizo idatzien lehiaketak" jadanik baditu irabazleak.

2011-06-22T13:51:00.013+02:00

Baditu saridunak Goierriko Goiztiri AEK-k antolatutako XX. txiste eta pasadizo idatzien lehiaketak. Goierriko Goiztiri AEK euskaltegiak Beasainen duen egoitzan egin zen sari banaketa.

1.SARIA. Ormaiztegiko Pruden Sanchok lortu du "biolin jotzaile onena" txistearekin.
2.SARIA Ordiziako Joxe Antonio Muxikak lortu du "afal ondorengo komeriak" txistearekin.
3.SARIA Beasaingo gau eskolako ikasle taldeak lortu du"ordezkoa" txistearekin.

PARTE HARTU DUZUENOI ESKERRAK ETA IRABAZI DUZENOI ZORIONAK!!!

Oihal margoketa ikastaroak eman du emaitza.

2011-06-21T14:40:00.007+02:00

Bi egunetako lanketak eman du emaitza. Goierriko Goiztiri AEK euskaltegiak antolatutako ikastaroak adin eta mota ezberdineko jendea elkartu zuen Beasainen AEK-k duen egoitzan; euskara ikasle, gaztetxo eta herritarrak. Lan txukunak bertan egindakoak. Lehen egunean "kuku" olerkia landu eta oihal margoketaren prozesua azaldu zuen Nekane Munduatek. Jarraian norberak bere marrazkia sortu zuzen. Bigarren egunean, landutako marrazkia oihalean margotu eta amaiera eman zitzaion ikastaroari.

Baditu saridunak blogaren aurreko hilabeteko lehiaketak.

2011-06-17T13:36:00.015+02:00

Abian jarri genuen apirilean Goiztiri AEKren blogaren lehiaketa. Baditu saridunak aurreko hilabeteko lehiaketak. Joxean Ormazabalek idatzi zuen ESAERA ZAHARRAK ETA TXISTE BERRIAK liburua. KORRIKA 17ren bi elastiko zozketatu ditugu asmatu dutenen artean. Argazkietan Amaia ajuria eta Eskoli Sanchez sariekin .

Zorionak bioi!

Hilabete honetako galdera blogaren eskuinean ikusi ahal izango duzue. Animatu eta parte hartu!

Pedro Garciak Everesteko espedizioari buruz hitz egin du Ordizian

2011-06-16T14:16:00.009+02:00

Pedro Garcia mendizale ordiziarrak 2010eko udaberrian Everestera egindako espedizioari buruz hitz egin zuen joan den asteartean Ordiziako Barrena jauregian.Horrelako espedizioak nolakoak izaten diren kontatu zuen: behar izaten diren baimenak, jarraitu beharreko prozedurak etab. Espedizioan ateratako argazkiak ere erakutsi zituen eta bertan zeudenek argazkiak ikusten zituzten bitartean Everesten igoera eta jaitsiera nolakoa izan zen azaldu zuen. Abentura horretan bizitako bitxikeriak ere kontatu zituen eta ikus-entzuleek ederki gozatu zuten Garciaren istorioekin.Ikus-entzunezko ekitaldi hau Hitzaro Euskara Elkarteak eta Goiztiri AEK-k antolatu zuten.

Goierriko Goiztiri AEKren aurtengo uda ikastaroen eskaintza

2011-06-14T09:14:00.006+02:00

HABE 3.MAILA ( C1.) azterketa prestatzeko 40 orduko ikastaroa uztailaren 4tik 15era eta irailaren 12tik 23ra. GOIZEKO 09:00etatik-11:00etara. Izena eman edo informazio gehiago nahi izanez gero klikatu hementxe.

Bihar mendi ikus-entzunekoa Ordiziako Barrena Kultur Etxean.

2011-06-13T09:47:00.017+02:00

Hitzaro eta AEK-k elkarlanean ikus-entzuneko emanaldia antolatu du. Bihar, ekainak 14, asteartea, Barrena Kultur Etxean izango da arratsaldeko 18:00etan. Pedro Garcia ordiziar mendizaleak eskainiko du mendi ikus-entzunekoa. Ondoren askaria ere izango da. Animatu eta parte hartu!

3. maila online, euskara ikasteko beste bide bat uda honetan.

2011-06-10T09:27:00.011+02:00

Uda honetan euskaltegi edo barnetegi batera joan ezingo direnek ere badaukate AEKrekin "euskararen bideari" ekiteko beste aukera bat: AEKren on-line zerbitzuak (e-uskaltegia), euskalduntzearen 3.maila eskuratzeko 100 ordutako on-line ikastaroa antolatu du. Ordu hauen barne daude 15ean behin ikasleak jasoko duen programazioa (5 orduko lana astero), 5 tutoretza ordu eta 16 ordu ikaskideekin mintzasaioetan. Ikastaroa erabat on-line izango da eta hainbat tresna erabiliko dira tutore zein ikaskideekin harremana burutzeko; audio eta bideo konferentzia, txat idatziak, foroak, wikiak… Horretaz gain hainbat baliabide osagarri eta aukera jarriko ditu AEK-k ikaslearen esku. Ikastaroaren prezioa 311 eurotakoa da. Informazio gehiago e-uskaltegian edo hona idatzita: e-gela@aek.org

Glotodidaktika ikastaro berriak.

2011-06-10T09:21:00.005+02:00

AEK-k euskara irakasle izateko oinarrizko ikastaro berriak, glotodidaktika ikastaroak, antolatu ditu.

Ikastaroak, on-line eta aurrez aurrekoak tartekaztuz, Gasteizen, Donostian eta Bilbon egingo dira irailean:

Formatua: konbinatua (aurrez aurreko 5 eskola eta on-line jarduerak)

Non: Bilbon, Donostian eta Gasteizen.

Data: Irailaren 9tik urriaren 28ra.

Ordutegia: 9etatik 13:30etara

Prezioa: 314 €

Matrikulazio epea: uztailaren 20ra arte

Informazioa eta izen-ematea: marta-c@aek.org

AEKren uda barnetegien eskaintza orokorra.

2011-06-09T17:53:00.005+02:00

Eskerrik asko Goierri!

2011-06-03T09:34:00.032+02:00

Korrika 17rekin bat egin du Goierrik. Euskarak eta Korrikak batu gaitu. Beste behin eskerrik asko Goierri, emandako laguntzagatik. Zorionak, Goierri!!!!!!!! &amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;br&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;br&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;br&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt; K0rrika 17ren Goierriko argazki guztiak ikusi edo jaisteko bi lotura hauetatik egin ahal izango duzue: argazkiak 1 eta argazkiak 2 Euskal Herrikoak hementxe topatuko dituzue.

Doinua: Habanera

Badator berriro ere,

badator gure herrira.

Hamazazpigarren aldiz

helduko da Goierrira.

Euskal Herrian barrena

egingo du bere bira,

eta geratuko gara

hurrengoari begira.

Hamar egun besterik ez!

Hamar egun baina tira...

milaka euskalakari

gara, zarete ta dira.

Kilometroz kilometro

eman, jaso eta tira

zuei esker iritsiko

gara noizbait urrutira!

Ainhoa Mujika

AEKren uda barnetegiak

2011-05-27T16:15:00.005+02:00

Oihal margoketa ikastaroa ekainaren 2 eta 9an.

2011-05-26T11:27:00.027+02:00

Goierriko Goiztiri AEK euskaltegiak oihal margoketa ikastaroa antolatu du. Oihal margoketan dauden teknika ezberdinak eta prozedura azaldu ostean, Kirmen Uriberen KUKU olerkia landuko da. Lehenik, olerki honen irakurketa egin eta sorkuntza idatziz edo ahoz eman ordez, marrazkiz erreproduzituko dute bertaratutakoek. Beraz, lehen egunean marrazkiak zehaztu eta oihalean marraztuko dituzte. Bigarrenean, lanak bukatu eta norbera bere lana azaltzen saiatuko da.

Ikastaroa ekainaren 2 eta 9an izango da Beasaingo Goiztiri AEK Euskaltegian. Ordu eta erdiko saioak izango dira biak, 09:30etik 11:00etara. Ikastaroa irekia eta doakoa da. Izena emandakoek kotoizko elastiko edo zapi bat besterik ez dute ekarri behar egunean bertan. Parte hartu nahi izanez gero AEKren egoitzara joan edota deitu. Datorren ostegunean, maiatzak 31, izena emateko epea amaituko da. Irakaslea Nekane Munduate artista ataundarra izango da:

Kirmen Uriberen KUKU olerkia:

Apirilaren hasieran entzun zuen aurrena kukua.

Urduri zebilelako beharbada,

kaosa ordenatzeko joera horrengatik beharbada,

kukuak zein notatan kantatzen zuen jakin nahi izan zuen.


Hurrengo arratsaldean, hantxe egon zen basoan zain,

diapasoia eskuan, kukuak noiz kantatuko.

Diapasoiak ez zioen gezurrik.

Si-sol ziren kukuaren notak.

Asteazkenean amaituko da txiste eta pasadizoak aurkezteko epea.

2011-05-23T16:19:00.014+02:00

Datorren asteazkenean, maiatzak 25, amaituko da Goierriko AEK-k antolatutako XX. Txiste eta Pasadizo idatzien lehiaketara lanak aurkezteko epea.

Iaz makina bat txiste eta pasadizo aurkeztu zen. Besteak beste hauxe:

Ez galdu aukera eta parte hartu! Sariak ere ez dira txarrak gero!

Haristizabal baserrian izan ziren Goierriko Goiztiri AEK-ko hainbat irakasle-ikasle eta herritar.

2011-05-20T17:50:00.003+02:00

Haristizabal baserrian, marmeladaren prozesuaz gain, gaur egungo sagarrak nondik datozen, sagar motak, Hariztizabal baserrian egiten duten frutazaintza, …. ikusi eta ikasi zuten joan den egunean Goiztiri AEKtikbaserrira egindako bisitan. Fruta-arbolak dauden zelaiak ere (sagastiak eta kiwiak) bisitatu zituzten. Txorikumez betetako habia ere ikusi zuten. Gainera, Hariztizabal baserria Gipuzkoako arte eta arkitektura ondarearen zerrendan katalogatuta dago, eta baserri hau noiz, zergatik eta zertarako egin zuten azaldu zieten. Ekintza polita eta gomendagarria da, baita parte hartzailea ere. Bertaratutakoei asko gustatu zitzaien.

Beasaingo goizeko AISA taldekoak errezetak ikasten.

2011-05-16T10:47:00.015+02:00

Beasaingo Goiztiri AEKren euskaltegian aurten bi AISA talde dabiltza euskara ikasten. Andramendi Ikastolako Lehen Mailako haurrek goizeko taldekoei, eurek eskoletan ikasitakoa praktikara eramanez, errezetak erakutsi zizkieten. Besteak beste, limoizko moussa nola egin azaldu zieten. Azalpenak adi entzun zituzten ikasleek. Bai horixe! Praktikan jarri... Amaieran, dastatu ere egin zituzten! Goxoak dirudite, bai! Mmmmmmmmmmmm!!!

Blogaren lehiaketa: hilabete honetako galdera.

2011-05-09T12:54:00.002+02:00

Hilabete honetako galdera:

Nork idatzi zuen ESAERA ZAHARRAK ETA TXISTE BERRIAK liburua?

Saria: KORRIKA 17ren elastiko bat zozketatuko da asmatzen dutenen artean.

Azken eguna: maiatzak 31.

Bidali zure erantzuna gure helbidera: goierri@aek.org

Haristizabal baserrira irteera.

2011-05-06T17:12:00.009+02:00

Maiatzaren 11n, asteazkena, 14:15etik 16:00etara, Goierriko Goiztiri AEK euskaltegiak irteera antolatu du Ezki-Itsason dagoen Hariztizabal baserrira. Marmelada ekologikoaren inguruko tailerra izango da. Aste honetako goiz batean ere bertan izan dira hainbat ikasle, irakasle eta herritar pasta eklogikoak nola egiten diren ikasten. Hariztizabal baserria, Gipuzkoako arte eta arkitektura ondarearen zerrendan katalogatuta dago; baserri hau noiz, zergatik eta zertarako egin zuten ere ikasiko da bertan. Pastak egiteaz gain, baserriaren eguneroko lanei buruzko informazioa eta ezagutza jasoko da. Hemengo gizartearen iragan hurbilaren eta horrek gaur egungoarekin duen lotura nabarmenak baitira.

XX.txiste eta pasadizo idatzien lehiaketa jokoan da jada.

2011-05-03T11:32:00.024+02:00

Goierriko Goiztiri AEK euskaltegikook, Ordiziako Udalaren laguntzarekin, urtero antolatzen duen Txiste eta pasadizo idatzien lehiaketaren berri eman nahi dizuegu eta bertan parte hartu ahal izateko baldintzak aurkeztu.

Baldintzak:

. 16 urte edo gehiago izatea. . Txiste edota pasadizoak euskaraz (batuaz edo euskalkiaz) idatziak izatea. . Maiatzaren 25a bidaltzeko azken eguna. Oharrak: . Txiste bakoitzean norbere izena, helbidea eta telefono zenbakia jarri eta honaxe bidali. Animatu eta parte hartu!

Bukatu da, bukatu da, akabo!

2011-05-02T10:52:00.008+02:00

Ederki pasatu dugu oporretan, baina... bukatu da, bukatu da, akabo! Ekin diogu lanari, hemen gara bai berriro!

ZORIONAK, ZORIONAK, ZORIONAK... EUSKALAKARI GUZTIOI!!!

2011-04-20T10:45:00.017+02:00

Hamar egun gelditu gabe, euskararen eremu guztian zehar, milaka eta milaka lagun, milaka eta milaka “euskalakari” ibili dira.

Donostiak gainezka egin zuen, gainontzeko hiriburuetan gertatu den bezala; eta gauza bera gertatu da Goierrin. Lekuko eramaileak eta parte hartzaileak ere anitzak izan dira, pentsakera eta ideologia desberdinak izanagatik ere, MAITATU, IKASI, ARI….EUSKALAKARI leloak batu ditu, euskarak batu ditu. ZUEK BATU DITUZUE . Horrexegatik, eskerrik asko eta mila zorion korrika mundiala izan dadin egin duzuen ahaleginengatik. EUSKALAKARIon lana gabe ezin zen hau bezalako ekitaldirik burutu. Eta ezinezkoa, baita ere, Korrika kulturala, korrika batzordeak... bizi izan duten arrakasta izatea. Horrexegatik guztiagatik mila esker batzordeetan lan egin duen orori, diruz lagundu duenari,egunean korrika pausoa edo eta txalo pausoa eman duenari... mila zorion ! Berriz ere lortu dugu!

GORA EUSKAL HERRI EUSKALAKARIA!

Korrika 17ren azken metroak eta ekitaldia.

2011-04-19T14:28:00.002+02:00

Korrika 17 Goierrin

2011-04-18T18:43:00.013+02:00

Legorretan sartzen... Ordizian... Ordizian Korrika txikia... Beasainen... Seguran... Eskerrik asko EUSKALAKARIOK!

Korrika 17 Goierrin, Beasaingo hainbat irudi.

2011-04-15T12:32:00.018+02:00

Ikusgarria izan da Korrika Goierritik pasatzen ikustea. Tropel mardula etorri zen Legorretan barrena, jende oldeak bat egin du Korrikarekin eta euskararen aldeko festa handia bihurtu zen Goierri. Bideo zein irudietan Beasaindik igaro zenekoa ikus dezakegu.

Euskalakari ugari bai ikus dezakegun moduan, eskerrik asko guztioi!

Korrika 17 Goierrin, Zea Mays musika taldearen "Negua joan da ta" abestiarekin.

2011-04-14T10:32:00.005+02:00

Zea Mays musika taldearen "Negua joan da ta" abestia duzue honakoa. Zein esanguratsua den zeinuzko adierazpena!