2019/09/16

HABEren bigarren deialdiko probetarako izen-ematea zabalik dago

iritzia: 


Euskaltegi eta autoikaskuntzarako zentro homologatuetako ikasleek B2, C1 eta C2 mailak egiaztatu ahal izateko 2019ko bigarren deialdiko probetan parte hartzeko izena emateko epea zabalik dago: irailaren 13tik 24ra bitartean, biak barne.

Informazio gehiago HEMEN

Ikasturte berriko AIZU! kalean da

iritzia: 

Ikasturte berriarekin batera AIZU! kalean! Kalean da iraila-urriko AIZU! eta azalean Juan Martinez de Irujo pilotari ohia. Hainbat dira ikasturte berriaren hasierako ale honek biltzen dituen gaiak, besteak beste, Raul Perez Martinezi egindako elkarrizketa irakurtzeko aukera ematen du, AEBen alde ikusezina ezagutu daiteke eta beste hainbat gai ere landu dira.

 

Horrez gain, udan Barnetegi Ibiltarian parte hartu dutenen testigantzak ere bildu dira ale honetan, bi astez, euskaraz bizi eta Euskal Herriko mendiez gozatu dutenen esperientzia.

2019/09/12

Bertako produktuen zozketan 1143 zenbakia izanda sariduna

iritzia: 

Urteroko legez Ordiziako Euskal Jaietan izan gara bertako produktuen postuarekin.






Jende andana hurbildu da boletoak erostera, baina irabazlea bakarra izanda: 1143 zenbakiduna, hain zuzen ere. Hementxe dituzue zozketaren irudiak:






Eskerrak eman nahi dizkizuegu guregana hurbildu zareten guztiei euskararen alde egindako ekarpenagatik!



2019/09/02

Matrikulazio epea zabalik!

iritzia: 

Irailaren 2tik 27ra bitarte 2019/20 ikasturteko matrikula epea zabalik dago! Aurten ere eskaintza zabala izango duzu eskura, hala nola, euskalduntze maila guztiak, aurrez aurrekoak, autoikaskuntza, harrera ikastaroak, mintza-taldeak...

Bekak eta diru-laguntzak

Urtero bezala, euskara ikasteko edota hobetzeko matrikulatzen zaretenok bekak eta diru-laguntzak jasotzeko aukera izango duzue. 

Informazio gehiago nahi izanez gero:

Beasaingo AEK – 943 88 93 40 – beasain@aek.eus

Ordiziako AEK – 943 88 91 74- ordizia@aek.eus



2019/07/11

Oporren garaia iritsi da

iritzia: 
Ikasturte oparo eta eder honen ostean, oporrak hartzeko ordua iritsi zaigu. Ordiziako eta Beasaingo euskaltegiak itxita egongo dira irailaren 2ra arte. Bloga eta sare sozialak ere ez ditugu elikatuko. Orain atseden hartuko dugu datorren ikasturteari indartsu heltzeko.  

oporrak bilaketarekin bat datozen irudiak 
Irailaren 2an itzuliko gara euskaltegietara, eta martxan jarriko ditugu berriz bloga eta sare sozialak. Matrikulatzeko epea irailaren 2tik 27ra izango da.

Ondo pasa, opor euskahaldun on!

 

Kalean da udako Aizu!

iritzia: 
Kalean da udako AIZU! Dagoeneko, hondartzan, igerilekuan, barnetegietan edota beste edozein lekutan irakur dezakezue, ziur udako arratsalde edo goiz pasa atseginagoa izango duzuela! 


Udako atala ere eduki interesgarriz beteta dago, besteak beste, Esther Ferrerri egindako elkarrizketa eta Aturritik Ebrora Euskal Herria ezagutzeko aukerak. Gainera, oraindik udarako planik ez baduzue, edota lanean zaudelako oporretara joan ezin baduzue, udako Aizu! alean, uda arin pasatzeko manerak ere irakur ditzakezue.

2019/07/08

C1 maila egiaztatzeko azterketak

iritzia: 
EAEn ez da gehiago EGA azterketarik egingo, baina beste aukerak ezagutzen dituzu?Eta Nafarroan eta Ipar Euskal Herrian, zein da egoera? Hemen informazio guztia!


2019/07/04

Mertxe Mugikak koordinatzaile nagusia izateari utziko dio urrian

iritzia: 

13 urteko ibilbide oparoa egin du AEKren koordinazio nagusian, eta, hemendik aurrera, beste zeregin batzuetan ariko da AEKren barruan. Nafarroako AEKren koordinatzaileak ordeztuko du Mertxe Mugika, aurtengo Batzar Nagusiak oniritzia eman ondoren. Irailaren 3an, Gasteizen, biek hartuko dute parte 2019-2020 ikasturteko aurkezpen-agerraldian,eta, adierazi bezala, urriaren 1etik aurrera, Alizia Iribarren hasiko da AEKren koordinazio nagusian.

Mertxe Mugikak “asko sinesten dut elkarlanean, uste osoa daukat indarrak batu behar direla, bakoitza bere kabuz ibilita, bidea askoz ere luzeagoa eta neketsuagoa izango litzatekeelako” adierazi du. Horrez gain, AEK eta normalizazio prozesua oso egoera interesgarrian ikusten dituela esan du, ikasleen gorakada izaten ari da azken urteotan: herritar gehiagok jo du euskaltegietara, eta euskara praktikatzeko egitasmoetan ere, antzekoa da egoera. Baita normalizazio-egitasmoetan edota aktibazio-ekimenetan ere.

Irakurri albistea Berria egunkarian.

2019/06/26

Euskara irakasle izateko ikastaroa irailean

iritzia: 
Euskara irakasle izateko oinarrizko ikastaroaren hurrengo edizioa irailaren 6an hasiko da eta urriaren 25era bitartean burutuko da. Era konbinatuko ikastaroa izango da, beraz, aurrez aurreko bost eskola eta on-line jardueraz osatuta egongo da. Aurrez aurreko eskolak Bilbon, Donostian, Gasteizen eta Iruñean egiteko aukera egongo da eta 09:00etatik 13:30era izango dira.


Ikastaroaren prezioa 450 eurokoa da eta uztailaren 3ra arte izena emateko aukera egongo da. Horretarako zein informazio gehiagorako, hurrengo helbidera idatzi beharra dago: e-idazkaritza@aek.eus

2019/06/25

HABEren deialdi irekirako matrikulazioa

iritzia: 

Euskararen B1, B2, C1 eta C2 mailak egiaztatzeko HABEren deialdi irekira aurkezteko matrikula aldia ekainaren 26tik uztailaren 9ra izango da. Matrikulatzeko honako baldintza hauek bete behar dira:
  • Gutxienez 17 urte izatea edo 2019an betetzea.
  • Interesduna, gehienez ere, bi gaitasun-mailetarako matrikula daiteke deialdi honetan.
  • Matrikula egoki egin eta jarritako epean ordaintzea.
Izen-ematea Internet bidez bideratuko da, www.habe.euskadi.eus atarian HASI SAIOAn klik eginez (ERABILTZAILEA - PASAHITZA).

Noizbait euskaltegiren batean ibilia izanez gero, ERABILTZAILEA eta PASAHITZA sartuko dira:

Erabiltzailea: Norberaren NANaren zenbakia, letrarik gabe.
Pasahitza: Lehen aldiz sartzean, norberaren NANaren zenbakia (letrarik gabe) erabili behar da. Hurrengo pantailan pasahitza baieztatzea edo aldatzea eskatuko da. Handik aurrera, pasahitz hori baliatu beharko da. Ahaztuz gero,  pasahitza berreskuratu aukera erabili ahal izango da. Behar izanez gero, HABEra jo daiteke.

Informazio gehiago HEMEN. 

2019/06/24

Online ikastaroak udan

iritzia: 

Udan euskara ikasi nahi duzu baina ez duzu aurrez aurreko eskoletara joaterik? Zeure modura antolatu nahi duzu denbora? Aukera paregabea duzu online ikastaroekin. Hainbat ikastaro mota dituzu:


Informazioa eta matrikula:
  • 946 464 000 edo 673 200 100
  • e-idazkaritza@aek.eus

2019/06/21

Ilusioz bete

iritzia: 
2018/19 ikasturteari amaiera eman diote udazkenean edota neguan euskara eskolak jasotzen hasitako ikasleek. Batzuk urrian itzuliko dira eta beste batzuk euren bideari jarraituko diote, euskara bazterrean utzi gabe. 


Mutiloako Jubilatu Gudariak taldekoek Huntzaren abesti hau landu dute azken egunean, ziklo baten amaieraz baitihardu. Ilusioz beteta egingo dugu aurrera eta jarrai dezagun euskaraz bizitzeko ametsetan tente!

2019/06/20

Gozatu Berri Txarraken Kobetamendiko kontzertuaz!

iritzia: 


AEKren eskutik gozatu BERRI TXARRAK taldeak Kobetamendin emango duen kontzertuaz!

- 2018/2019 ikasturtean, AEK-ko ikaslea izan bazara,
- 2019/2020 ikasturterako aurrematrikula* egiten baduzu,
- UDAko barnetegietan izena emanez gero,

% 20ko beherapena izango duzu sarreran: 35euro 28 euro
Parte hartu nahi baduzu, eman izena www.aek.eus webguneko formularioan. Azken eguna: ekainaren 28a.

Ikusi egitaraua, Lekunberriko taldeak emango duen ezohiko kontzertuaz gain, euskarazko kultur egitarau zabala ere egongo baita.
Harrapatu aukera!

*2019/20 ikasturterako eskaintza berezia ekainaren 21ean amaituko da.

2019/06/19

Ekaineko saria eskuetan

iritzia: 
Mutiloako Jubilatu gudariak izan dira ekaineko lehiaketaren irabazleak eta gustura jaso dituzte sariak gaur goizean. Irribarretsu ageri dira liburuak eskuetan dituztela. Badute udan zer irakurri! Irakurketa on, laukote!


2019/06/18

Ekaineko lehiaketa

iritzia: 
Ekaineko lehiaketaren zozketa egin dugu eta Jubilatu gudariak taldeari egokitu zaio saria. Lau liburu eta material sorta bat eskuratu dituzte: libreta, arkatza, ezabagoma, boligrafoa eta tipexa.

ZOZKETAREN BIDEOA

2019/06/14

Aurrematrikula epea zabalik

iritzia: 
Datorren ikasturterako aurrematrikula zabalik dugu ekainaren 19ra arte. Orain izena ematen baduzu, %5eko deskontua izango duzu matrikularen prezioan, ordaintzeko malgutasun handiagoa eta lehentasuna taldeak osatzerako orduan.


Informazio gehiago HEMEN.

2019/06/13

Larraitzera txangoa

iritzia: 

Goizeko taldeetako ikasleak Baztarrika gaztandegian izan ziren eta arratsaldekoek, berriz, Larraitzera joateko plana egin zuten asteazkenean. Larraitzetik Orendain aldera doan bidean ibilalditxoa egin, Abaltzisketan jan-edanari esker indarrak suspertu eta abiapuntura itzuli ginen. Lagun giro goxoan egon ginen elkarrekin, ikasitakoak praktikan jarriz eta inguruko paisaia ederraz gozatuz.

Baztarrika gaztandegira bisita

iritzia: 
 

Gabiriako Baztarrika gaztandegira egin dugu bisita aste honetan goizeko taldekoekin. Batzuk astelehenean joan ginen eta beste batzuk asteartean, talde handiegia ez baitzen komeni gaztaren langintza behar bezala ezagutzeko.



Gaztaren prozesuaren pausuen berri izan genuen: esnea berotu, gatzagia bota, mamitzen utzi, xehatu, gazura kendu,moldeetan forma eman, prentsan sartu...Ikasle batzuk parte hartu zuten gazte egitearen langintzan eta gustura aritu ziren,gainera. 


Horretaz gain, garai batean erabiltzen zituzten lan-tresnak ere ikusi genituen, kaikua, kasu. Bide batez, baserriaren eta artzainaren munduaz kontu bat baino gehiago izan genituen hizpide. 


Bisitaz gain, bertako gazta ere dastatu genuen, ogiz eta edariz lagundurik.

Gauza asko ikasita itzuli ginen, alajaina!

Igogailua: azken atalak

iritzia: 
Igogailua podcastaren azken bi atalak argitaratuta daude jada.

IGOGAILUA: 4. KAPITULUA
"-Mesedez, utzidazu une batez ateratzen, eta zin degizut gero hona itzuliko
naizela. Ez al zara nitaz errukitzen?
-Futitzen naiz.
-Zer?"

Igogailua, 4. kapitulua


IGOGAILUA: 5. KAPITULUA
"-Dena dela, lasai. Hemendik ateratzea lortzen duzunean, neronek esango dizut
nor naizen. Baina aurretik galdera bati erantzun beharko diozu. Prest zaude?
- Zer erremedio?
-Hona: nork idatzi du 2019ko Korrikaren lekuko barruko mezua?"
Igogailua, 5. kapitulua

Zer iruditu zaizue amaiera? 

2019/06/11

Datorren ikasturterako eskaintza berezia

iritzia: 

Datorren ikasturtean euskara ikasi nahi baduzu, matrikulatu ekainaren 19a baino lehen. Abantaila hauek izango dituzu:
  • %5eko deskontua 19/20 ikasturterako matrikularen prezioan.
  • Ordainketa epe bat gehiago interesik gabe.
  • Lehentasuna taldeak osatzerako orduan.
Matrikularen lehen ordainketan honako hau ordainduko duzu:
  • 120 € (240 ordutik gorako ikastaroetan)
  • 100 € (120 eta 240 ordu bitartekoetan)
 
Ikastaroari uko egin nahi badiozu, % 100 itzuliko dizugu irailaren 26a baino lehen jakinaraziz gero. Egun horretatik aurrera, ohiko itzulketa baldintzak izango dira.

Informazio gehiagorako, jarri gurekin harremanetan
 

2019/06/10

Ekaineko AIZU! aldizkaria

iritzia: 
Ekaineko AIZU! iritsi zaigu! Askotariko gaiak oraingoan ere, eta tartean Gabriela Uriarte eta Iker Murillori elkarrizketak; boccia kirola; Pez Limbo antzerki taldea; udan euskara ikasteko aukerak; Bakersfieldeko euskaldunak...
Horrez gain, Arteako Herriko Bentako proiektua ere ezagutzeko aukera ematen du, bertan bizi diren errefuxiatuen testigantzak eta euskararekin duten harremanari buruz jakin nahi baduzu, segi bizkor kioskora eta eskuratu aldizkaria!


Hainbat eduki eguraldi ona lagun irakurraldi goxo bat burutzeko!

2019/06/06

'Hitz ezkutua' lehiaketaren irabazlea

iritzia: 
"Hitz ezkutua" lehiaketa martxan izan dugu euskaltegian hiru astez. Aste bakoitzean hitz bat izan dute eta pisten laguntzaz asmatu behar izan dute ikasleek. Guztira hiru lagungarri izan dituzte eta zenbat eta pista gutxiagorekin asmatu, orduan eta puntu gehiago lortu dituzte. Bost talderen arteko berdinketa izan denez, zozketa egin dugu aste honetan eta Aza taldea izendatu dugu irabazle. D'Elikatuz Interpretazio zentroko produktu sorta eskuratu dute.

2019/06/05

Igogailua: 3.atala

iritzia: 
IGOGAILUA: 3. KAPITULUA

"Zenbat denbora daramat dagoeneko lau horma hauen artean? Uste dut
zorabiatu egingo naizela…
- Prest zaude?
- Indarrik gabe nago, arnasa hartzea gero eta gehiago kostatzen zait…

ENTZUN HEMEN.


2019/06/04

Ekaineko lehiaketa

iritzia: 
 

Hilabete honetako galdera: Nola du izena AEK eta Hiru damatxok egindako podcast bidezko fikziozko sailak?

Parte hartzeko azken eguna: ekainak 17.

Bidali zure erantzuna:

E-posta: goierri@aek.eus   
Whatsapp mezua: 688 74 66 38

Izen-abizenak eta telefono zenbakia ipini, mesedez.

Lehiaketaren laguntzaileak:


beasain udala bilaketarekin bat datozen irudiak

Cristina Ortegak jaso du saria

iritzia: 
Maiatzeko lehiaketaren zozketan Aurrera! taldeko Cristina Ortegari egokitu zaio saria eta gaur jaso du argazkian ikusten duzuen produktu-sorta. On egin, Cristina!

Maiatzeko lehiaketaren irabazlea

iritzia: 
Maiatzeko lehiaketan hilabete horretako AIZU! aldizkariaren elkarrizketatu nagusia zein zen galdetu genuen eta Iñaki Soto erantzun zutenen artean egin dugu zozketa. Hementxe emaitza:

IKUSI ZOZKETAREN BIDEOA

Cristina Ortega ikasleak irabazi du saria. Zorionak, Cristina!

2019/05/31

Plaza-dantzak ikasten

iritzia: 


Udaberriarekin batera festarako aukerak ugaritu egiten dira eta komenigarria izaten da antolatzen diren erromerietako dantzak jakitea. Hori aitzakiatzat hartuta, plaza-dantzen ikastaroa egin genuen joan den asteazkenean Ordizian. Amets Bide dantza taldeko kide batek irakatsi zizkigun honako hiru dantza hauen pausoak: Zazpi jauzi, Txapeloaz eta Gaztelugatxeko martxa. Azpiko bideoetan ikusiko dituzue ikasle eta irakasleak dantzan. Nahiko dantzari trebeak dira, ezta?

2019/05/29

Igogailua: 2.atala

iritzia: 
Igogailua! Bigarren atala!

"Ez dela izango erraza? Zer esan nahi duzu?
- Gauza bat ulertu behar duzu: igogailu bat ez gora ez behera geratzen denean,
denbora behar izaten da konpontzeko."

Gozatu euskaraz!


2019/05/27

Euskal dantzen ikastaroa Ordizian

iritzia: 
Euskal dantza ikastaroa antolatu dugu Ordizian asteazkenerako, hilak 29, Amets Bide dantza taldekoen eskutik. Bi orduko saioa izango da, 10:00etatik 12:00etara, eta plaza dantzen ingurukoa izango da. Amets Bide dantza taldearen lokalean egingo dugu saioa. Irekia denez, parte hartzeko asmoa izanez gero, jarri gurekin harremanetan.


2019/05/24

Ekarrizketa egin diote Cristina Ortega ikasleari Bixi-bixin

iritzia: 

Segura Irratiko Bixi-bixi irratsaioan parte hartu du Aurrera! taldeko ikasle den Cristina Ortegak. Lierni Elortza esatariak elkarrizketa egin dio eta hainbat gairen inguruan aritu dira, besteak beste, nolatan etorri zen hona bizitzera eta zergatik ari den euskara ikasten. 28.minututik aurrera entzungo duzue.


Bixi-bixi saioa asteazkenetan izaten da, 12:15ean, eta errepikapena, berriz, ostegun eguerdietan, FM 89.2an edo euren webgunean: segurairratia.eus

2019/05/23

Igogailua: 1.atala

iritzia: 

Igogailua, AEK-k eta Hiru Damatxok ekoitzitako podcast bidezko fikziozko saila,martxan da jada. Lehenengo kapitulua argitaratu dute AEKren webgunean. 

IGOGAILUA: 1. KAPITULUA

"...Une horretan, igogailuak zarata handia aterako du.
Ainhoak ez daki zer gertatzen ari den..."

Entzun HEMEN.

2019/05/21

Igogailua: podcast bidezko fikziozko saila

iritzia: 

 “...Une horretan, igogailuak zarata handia aterako du. Ainhoak ez daki zer gertatzen ari den...”

Aste honetan "Igogailua" estreinatuko du AEK-k, Hiru Damatxok eta AEK-k ekoitzitako podcast bidezko fikziozko saila.
Asteazken honetan, maiatzaren 22an, lehendabiziko atala zabalduko da. Lau bat minutuko bost atal izango dira. Asteazkenero egongo dira entzungai aek.eus webguneko ATAL HONETAN, eta ekainaren 12an izango da azkenaren estreinaldia.

Euskaltegietako euskara ikasleentzat pentsatuta egonagatik, euskaldun ororentzat da egokia.

Laster, "Igogailua" nahi duzuen tokian, nahi duzuenean, entzun ahalko duzue!

2019/05/14

Udako irakurle kanpaina

iritzia: 
Ikasturtea amaitzeko gero eta gutxiago falta da eta uda ate-joka dugu. Oporraldia zain izango duzue zuetako askok eta denbora libre gehiago izango duzuenez, irakurtzeko garai aproposa izan daiteke. Gauzak horrela, ikasle zaretenok, udako irakurle kanpaina baliatu dezakezue liburuak, hiztegiak zein material didaktikoa merkeago erosteko. 


Eskaerak maiatzaren 29a baino lehen egin behar dituzue. Horretarako, pausu hauek jarraitu behar dituzue:
  • Eskaera-orria bete.
  • Ordainketa egin bertan agertzen den kontu korronte zenbakian. Euskaltegiaren izena jarri.
  • Eskaera-orria eta ordainagiria zure irakasleari eman.

2019/05/13

Maiatzeko lehiaketa

iritzia: 
 
Hilabete honetako galdera: Nor da AIZU! aldizkariaren maiatzeko aleko elkarrizketatu nagusia?

Saria: Ordiziako D'Elikatuz zentroko produktu-sorta: Bizkaiko txakolina, Eusko Label sagardoa, Arabako Errioxako ardoa, Leintz Gatzagako gatza, sagar marmelada eta Idiazabal J.D.B. gazta.

Parte hartzeko azken eguna: maiatzak 31.

Bidali zure erantzuna:

E-posta: goierri@aek.eus   
Whatsapp mezua: 688 74 66 38

Izen-abizenak eta telefono zenbakia ipini, mesedez.

Lehiaketaren laguntzaileak:
beasain udala bilaketarekin bat datozen irudiak

2019/05/10

Maiatzeko AIZU! kalean

iritzia: 
Maiatzeko AIZU! aldizkaria ere iritsi zaigu euskaltegira eta kioskoetara. Zer aurkituko duzuen barruan? Bada, Iñaki Sotori eta Paula Estevezi elkarrizketak, Andetxako “Bizitzarako margoak”, Artsakh errepublikara bidaia, Ama Esnearen Euskal Bankua, 21. KORRIKA argazkitan...


Bestalde, hil honetako aleak ere badakar erreportaje berezi bat: migratzaileen harreraren alde eta arrazismoaren eta xenofobiaren kontra, Ongi Etorri Errefuxiatuak plataformak antolatutako “M5 Herrien arteko besarkada” ekimenaren ingurukoa.

Irakurri eta gozatu!

2019/05/08

Apirileko lehiaketaren zozketa

iritzia: 
LOTTERY ROLLER BALLS bilaketarekin bat datozen irudiak

Apirileko lehiaketaren zozketa egin dugu aste honetan eta hauek izan dira irabazleak: Hasiberriak taldeko Mariana eta Txapeldunak taldeko Anisoara. Ordiziako Kixket kafetegian launa gosari irabazi dituzte. On egin!


ZOZKETAREN BIDEOA

2019/05/06

Zabalik da uda barnetegien matrikula-aldia

iritzia: 
Zabalik da 2019ko udako barnetegien matrikula-aldia; hemen dituzue zehaztapen guztiak. Eta gogoratu: urtero esaten dugun moduan, barnetegia da euskara ikasteko lekurik onenetakoa!



Informazio gehiagorako:
673 200 100 - 946 464 000 //
udabarnetegiak@aek.eus // Ibiltaria: ibiltaria@aek.eus

EUSKALDUNTZE BARNETEGIA (HEGOALDEAN: ARANTZA ETA FORUA):

Izena emateko azken eguna: barnetegia hasi baino 17 egun lehenago.

B1-B2-C1 MAILAK

14 egun / 90 ordu. 505 euro.

Uztailaren 1tik 14ra.
Uztailaren 15etik 28ra.
Abuztuaren 5etik 18ra.
Abuztuaren 19tik irailaren 1era.
Irailaren 2tik 15era.

A2 MAILA

14 egun / 90 ordu. 505 euro.
Uztailaren 15etik 28ra.

EUSKALDUNTZE BARNETEGIA (IPARRALDEAN: UREPELE):

Izena emateko azken eguna: barnetegia hasi baino 17 egun lehenago.

A1-A2-B1-B2-C1 MAILAK: 10 egun

10 egun / 70 ordu. 635 euro (langabeek 545 euro).

Uztailaren 15etik 26ra.
Uztailaren 29tik abuztuaren 9ra.

A1-A2-B1-B2-C1 MAILAK: 20 egun

20 egun / 140 ordu. 1.197 euro (langabeek 1.035 euro).

Uztailaren 15etik abuztuaren 9ra.


AZTERKETA OFIZIALAK PRESTATZEKO BARNETEGIA (HEGOALDEAN: ARANTZAN):

Izena emateko azken eguna: barnetegia hasi baino 17 egun lehenago.

C1 MAILA

505 euro.

Abuztuaren 19tik irailaren 1era.

B2 MAILA

505 euro.
Abuztuaren 19tik irailaren 1era.


FAMILIA BARNETEGIA (ZUGARRAMURDIN, ARANTZAN ETA FORUAN):

Izena emateko azken eguna: barnetegia hasi baino 25 egun lehenago.

Helduek: 480 euro Haurrek: 285 euro

Forua / Arantza*: uztailaren 1etik 12ra.
Forua*: uztailaren 16tik 26ra.
Zugarramurdi / Forua*: Abuztuaren 5etik 16ra

* Ikasleak ezin du aukeratu nora joan. AEK-ko udako barnetegietako arduradunek antolatuko dute matrikula kopuruaren arabera eta haiek ezarriko dituzte irizpideak.

IBILTARIA (OINEZ):

Izena emateko azken eguna: Ekainaren 24; on-line egin behar da (klika egin HEMEN formulariora joateko).

595 euro.

Uztailaren 15etik 28ra.
Abuztuaren 2tik 16ra.

XIBERERA BARNETEGIA (BERROGAINE-LARÜNTZE):

Izena emateko azken eguna: barnetegia hasi baino 11 egun lehenago.

335 euro (langabeek 290 euro).

Uztailaren 29etik abuztuaren 3ra.


Deskontuak (Hegoaldean):

AEK-ko ikasleei % 5 (ikasturtean 119 ordutik gorako ikastaroa egin dutenei).
2 barnetegi egiteagatik, % 10.
3 barnetegi egiteagatik, % 15.
3 seme-alabarekin eginez gero, % 10 haur guztien matrikularen gainean.
Aplikatutako deskontuak, orotara, ez dira % 15 baino gehiago izango.
Ibiltarian ez dago deskonturik.

2019/05/03

Barnetegiko oroitzapenik maiteena

iritzia: 

Inoiz egon zara barnetegiren batean? Oroitzapen polit piloa izango dituzu, ezta? Bada, orain duzu horretaz aprobetxatzeko aukera! Barnetegiko zure oroitzapenik maiteena zein den konta iezaguzu grabaketa batean, audioz zein bideoz, eta bidali AEKra. Kontakizunik onena sarituko dugu bi lagunentzako bi eguneko egonaldi batekin, Zugarramurdiko Graxiana aterpetxean!

Pasadizoak ezaugarri hauek eduki behar ditu:
  • Gehienez, minutu bateko grabazioa izan behar du.
  • Goiko galdera erantzun behar duzue: “Barnetegitik, zein da zure oroitzapenik maiteena?”. 
  • Zure ahotsa entzun nahi dugu; beraz, audio edo bideo bidez egin dezakezu (telefonoa erabil dezakezu).
  • Bidali Whatsapp edo Telegram bitartez 630477400 telefono-zenbakira edo aek.komunikazioa@gmail helbidera.
  • Audioak maiatzaren 24ra arte bidal ditzakezu.

2019/04/29

Korrikaren momentu onenak

iritzia: 
Aiora Mujika Youtuberrak, Probatxoa ezizenez, 21. Korrikaren 10 une kutunenak bildu ditu bideo honetan.


Gustatu al zaizue?

21. Korrikaren laburpena

iritzia: 
Hementxe duzue 21. Korrikaren laburpen bideoa. Mila esker, Euskal Herria! Mila esker, Goierri!


2019/04/17

Eskerrik asko, Goierri!

iritzia: 

AEKren balorazioa Gasteizen

21. Korrikaren mezua

iritzia: 



Maialen Lujanbio izan da 21. Korrikaren mezuaren egilea eta Gasteizen irakurri zuen eskuz esku ibili den lekukoaren barruan zegoen mezua. 

2019/04/13

Igaro da 21. Korrika Goierritik

iritzia: 

Goierritarrok ere Klika egin dugu! 21. Korrika goizaldeko seietan iritsi da Legorretara eta Ezkiotik goizeko hamarrak inguruan atera da, eskualdeko hainbat herri zeharkatu eta gero. Jendetza batu da euskararen aldeko lasterketa erraldoian eta zoragarria izan da goierritarron indarra, poza eta ilusioa bertatik bertara elkarbanatzea.



Argi erakutsi dugu euskararen aldeko lanean eta euskarazko jardunean jarraitzeko gogotsu gaudela goierritarrok, euskaraz bizitzea lortu arte. Bejondeigula, Goierri!