2017/03/23

Bertso Korrika datorren asteazkenean

Goierrin ere izango da Bertso Korrika, Korrikaren hasiera baino egun bat lehenago hain zuzen ere, hilaren 29an. Aratz Igartzabal, Nerea Elustondo eta Iban Urdangarin arituko dira bertsotan eta Eresti Oiarbide izango da aurkezlea. 


Datorren asteazkenean, hilak 29, elkartuko gara Ordiziako euskaltegian, 18:00etan. Han egingo dugu lehen saioa eta ibilbideari ekingo diogu, tabernetan geldialdiak eginda. Pintxo-poteoa izango denez, jan eta edateko aukera izango dugu, bertsolarien jarduna entzunez. Plaza nagusian amaituko dugu saioa.

Pare bat egun lehenago, astelehen arratsaldean, Eresti Oiarbide euskaltegira etorriko da eta ikasleei saioaren nondik norakoaren berri emango die. Horretaz gain, ikasleek asteazkeneko saiorako gairen bat edo beste eta bertsoak osatzeko oinak prestatzeko aukera izango dute.

iruzkinik ez:

Argitaratu iruzkina