Mintzalagunen ikasturte amaierako jaia eta txiste eta pasadizo idatzien lehiaketako sari banaketa izango dugu bihar, ekainak 17, Ordiziako Barrena kultur etxean, 18:30ean.
Ekitaldia hasteko 'Erdaldun berrien kluba' antzezlana izango dugu, Olatz Pagalday aktorearen eskutik. Erdaldunberrien inguruko umorezko antzezlan dibertigarria eskainiko digu Pagaldayk.
Jarraian, XXIII. Txiste eta pasadizo idatzien lehiaketako sari banaketa egingo dugu. Hiru sarituak zein diren jakingo dugu eta saridunek euren txisteak kontatu edo irakurriko dituzte.
Ekitaldiaren amaieran, berriz, mokadutxoa egiteko aukera izango du nahi duen orok.
Animatu eta inguratu Barrenara!
iruzkinik ez:
Argitaratu iruzkina