2014/04/30

Iritsi da eguna!

iritzia: 

Iritsi da eguna, '.eus' domeinua onartu dute! ICANN erakundeak baiezkoa eman dio .eus domeinuari urtebeteko ebaluazio fasearen ondoren. Interneten euskararen eta euskal kulturaren komunitatearen domeinu izateko aurkeztu zen proiektua duela bost urte.


Domeinuaren erabilera gizarteratu egingo da aurrerantzean eta sarean erabilgarri jarri. Hasieran, 90 aitzindarik erabili ahal izango dute domeinua sei hilabetez, modu esklusiboan. Lehen hauek ekarpen ekonomiko berezia egin beharko dute eta erreferentzialtasuna izango dute helburu. Hainbat eragilek egin ahal izango dute eskaera eta diru ekarpena bakoitzaren araberakoa izango da: norbanakoek 300 euro; euskara eta euskararen sustapenean aritzen diren erakundeek 500 euro; instituzio publikoek eta horiengandik eratorritako erakundeek, 3000 euro; eta enpresa eta hedabideek 5000 euro. Eskaera maiatzaren 30era arte egin daiteke. 

Domeinua komunitateari zabaltzeko prozesua abenduaren 3an hasiko da, Euskararen Egunarekin batera. Eskatzailea den atariak euskarazko bertsioa eduki beharko du baina ez du zertan erabat euskaraz izan. Edozein hizkuntzatako izan daiteke baina euskarazko bertsioduna, betiere. Euskal kulturari buruz aritzen diren webguneek ere .eus erabiltzeko aukera izango dute. Euskal kultura jorratu baina euskal bertsiorik ez dutenek ere izango lukete euren tartea.


Irakurri albistea Berrian.

2014/04/29

Irakurketa tailerra martxan da Beasainen

iritzia: 
Danele Sarriugarte idazle elgoibartarrak Igartza Sariaren bidez kaleratutako 'Erraiak' liburua izango dute hizpide Beasaingo irakurketa taldean. Maiatzaren 15ean bilera egingo da idazlearekin egingo den topaketa prestatzeko eta maiatzaren 22an bilduko dira Sarriugarterekin.

Parte hartzeko asmoa dutenek Beasaingo Udaleko Euskara eta Kultura sailarekin jarri behar dute harremanetan. Horretarako, 943 02 80 63 telefono zenbakira deitu edo e-posta bidali ebpn@beasain.net posta helbidera.

2014/04/28

'Irakurri, gozatu, oparitu' kanpaina martxan dago Beasainen

iritzia: 

Beasaingo Udalak, Udal biblioteka, Mirentxu liburu denda eta Topagunearekin batera, Irakurri, gozatu eta oparitu kanpaina jarri zuen martxan pasa den apirilaren 23an, Liburuaren Nazioarteko egunean.


 
 
Udaletik, irakurleak euskarara gerturatu nahi ditugu, euskaraz ere irakurtzeko aukera zabala dagoela ikusteko. Euskarazko kontsumoa ere bultzatu nahi dugu, bai umeena baita helduena ere. Azken batean, herritarrak euskarazko liburuak irakurtzera animatu nahi ditugu.
 
Ekimenaren helburuak ondorengoak dira:
-          Irakurzaletasuna sustatzea.
-          Udal liburutegiak eta herritarrak harremanetan jartzea.
-          Euskarazko literatura ezagutzea.
-          Euskal liburugintza indartzea.
 
Ekimenaren iraupena: apirilaren 23an jarri zen martxan eta ekainaren 30era arte iraungo du.
 
Nori zuzendua: Beasaingo herritar guztiek izango dute kanpainan parte hartzeko eta abantailez baliatzeko aukera.
 
Hiru pauso eman behar dira parte hartzeko (funtzionamendua):

1.urratsa: IRAKURRI. Lehenengo pausoa irakurtzea da; euskaraz irakurtzea. Herritarrak Udal liburutegiko mailegu zerbitzua erabilita, bertako euskarazko liburu bat eramango du etxera irakurtzeko. 

2. urratsa: GOZATU. behin irakurrita liburutegira itzuliko du liburua eta irakurle fitxa erraz bat bete beharko du bertan (zein izan den irakurritako liburua, zer inpresio eman dion…). Fitxa hori beteta, liburutegiko arduradunak erosketa txekea emango dio irakurleari, hitzartutako liburu dendan erosteko. 
 
3. urratsa: OPARITU. Azken pausua, liburua oparitzea da, lagun bat, senide bati, edo norbere buruari.
 
Liburutegian jasotako erosketa txekearekin %25 merkeago erosiko du norbaiti oparituko dion euskarazko liburu bat. Euskara ikasleentzat eta mintzalagunentzat erosketa txekeen balioa %50ekoa izango da.
 
Hileroko zozketa: Udal bibliotekan, maiatzean eta ekainean, hilabete bakoitzean liburutegian maileguan libururen bat hartu dutenen artean, 30 euroko erosketa txekeak zozkatuko dituzte.

2014/04/11

Didgeridooa jotzen aritu gara

iritzia: 

 

Australiar aborigenen musika tresna da didgeridoo-a eta berari buruzkoak erakutsi zizkigun atzo Iban Nikolai musikariak. Lehenik eta behin, erakustaldia egin zigun, instrumentua pixka bat joz, eta, jarraian, bere jatorriaz, izenaren nondik norakoaz eta beste zenbait kontuz hitz egin zigun. Ondoren, instrumentua jotzeko teknikak erakutsi zizkigun eta praktikan jarri genituen didgeridoo-a hartuta. Ikasle eta herritarren artean artista ugari daudela jabetu ginen, bai horixe! 







Argazkien bilduma hemen.



2014/04/10

'Estatuen esku-hartzea gelditu' elkarretaratzea Ordizian

iritzia: 

Estatu espainiarrak azkenaldian hizkuntza-irizpideetan zein Euskara Planetan egindako esku-hartze eta errekerimenduak salatzeko eskualdeko elkarretaratzea egin genuen atzo Ordiziako plazan. 'Estatuaren esku-hartzea gelditu' lelopean, eskuak margotuta irudikatu genuen ez dugula esku-hartzerik onartzen eta geurea dela geure hizkuntza-politika erabakitzeko eskubidea.



Argazki bilduma hemen.

2014/04/09

Iparra-Hegoaren bertso-afariaren kronika

iritzia: 
Dakizuen bezala, martxoko lehiaketan Iparra Hegoaren barruan egindako bertso afarirako bi txartel zozketatu genituen. Joan den ostegunean izan zen ekitaldia Segurako plazan eta euskaltegiko ikasle den Karlos Jandula joan zen bertara. Jandulak, esker onez, gau hartako kronikatxoa egin digu. Badu meritua, gainera, A1 mailako ikaslea baitugu bera. Irakurri, merezi du-eta!


Pozten gara ondo pasatu izanaz! Bejondeizula, Karlos, eta jarraitu horrela!

2014/04/08

Urte osoko soldataren zozketak badu sariduna

iritzia: 
AEKren soldata-errifak salgai izan dira azken hilabeteotan eta ONCEren apirilaren 3ko zozketak erabaki du sariduna zein den, 54.865 zenbakia, hain zuzen ere. Andoainen egokitu da saria eta AEKren ikasle ohi eta Mintzalagunak eskuratu du, gainera! Bejondeiola! Gozatu sariaz!


Errifak erosi dituzuen guztioi eskerrak eman nahi dizkizuegu zuen laguntzagatik. Ea datorren urtean Goierrin izaten dugun sariduna!

Didgeridooari buruzko saioa izango dugu etzi

iritzia: 
 

Didgeridoo musika instrumentu aborigenari buruzko hitzaldia eta erakustaldia izango dugu etzi, 18:00etan, Beasaingo Igartza jauregian. Iban Nikolai musikari oiartzuarra izango dugu hizlari.


Didgeridooa australiar aboriginen aintzinako musika tresna da, 20.000 urtetik gora ditu. Termitek naturalki ustutako eukaliptozko enbor bat da eta putz eginez soinu sakon bat ateratzen du. 


Iban Nikolaik (Donostia 1977) duela 15 urte ezagutu zuen didgeridooa Londresen. 15 maisurekin Europan zehar ikasi ondoren Australiara salto egin zuen  aborigenekin didgeridooa ikastera eta 3 hilabetez beraien kultura ezagutzera. Gaur egun, ikastaroak eta kontzertuak eskaintzen ditu .
5 CD kaleratu ditu eta  Samar edo Acoustic Glorious taldeetan aritu da. Briganthya, Zea Mays, Xabi San Sebastian, Oreka TX  eta beste hainbat taldeekin ere kolaboratu du.

Animatu Igartzara!

2014/04/07

Estatuen esku-hartzea gelditu!

iritzia: 


Estatu espainiarra hizkuntza-politikan egiten ari den esku-hartzeak eta errekerimenduak salatzeko prentsaurrekoa egin da gaur Beasaingo Igartza jauregian. Bertan bildu dira euskalgintzako eta Kontseiluko ordezkariak eta Ordizia, Beasain eta Urretxuko udaletako zenbait kide. Azpian duzue prentsaurrekoan adierazitakoa:




Beraz, etzi, apirilaren 9an, Ordiziako plazan, 19:00etan, elkarretaratzea egingo dugu, estatuaren esku-hartzea gelditu eta geuk erabaki behar dugula aldarrikatzeko. Euskaraz bizi nahi dugu!


Apirileko lehiaketa

iritzia: 
 


Hilabete honetako galdera:  Non hasi eta non amaituko da ekainaren 8an erabakitzeko eskubidearen alde egingo den giza-katea?

Saria: 'Gure esku dago' kamiseta.


2 olio botila (bat ekologikoa), 3 piper poto (bat ekologikoa), potxak, kardoa, borraja, orburuak, 2 zainzuri lata, tomate-pikillo saltsa (ekologikoa) eta barazki krema (ekologikoa). Kalitate oneneko produktuak dira. - See more at: http://www.guaixe.net/Albisteak.asp?IdNoticia=17798&IdHerria=16#sthash.WHvIb6xD.dpuf
2 olio botila (bat ekologikoa), 3 piper poto (bat ekologikoa), potxak, kardoa, borraja, orburuak, 2 zainzuri lata, tomate-pikillo saltsa (ekologikoa) eta barazki krema (ekologikoa). Kalitate oneneko produktuak dira. - See more at: http://www.guaixe.net/Albisteak.asp?IdNoticia=17798&IdHerria=16#sthash.WHvIb6xD.dpuf
2 olio botila (bat ekologikoa), 3 piper poto (bat ekologikoa), potxak, kardoa, borraja, orburuak, 2 zainzuri lata, tomate-pikillo saltsa (ekologikoa) eta barazki krema (ekologikoa). Kalitate oneneko produktuak dira. - See more at: http://www.guaixe.net/Albisteak.asp?IdNoticia=17798&IdHerria=16#sthash.WHvIb6xD.dpufParte hartzeko azken eguna: martxoak 30.Bidali zure erantzuna goierri@aek.org helbidera. Izen-abizenak eta telefono zenbakia zehaztu, mesedez.
Parte hartzeko azken eguna: apirilak 30.

Bidali zure erantzuna goierri@aek.org helbidera. Izen-abizenak eta telefono zenbakia idatzi, mesedez.

Lehiaketaren laguntzailea:
                                 

2014/04/03

Gure ginkanan parte hartu nahi?

iritzia: 

 

Herri kirol eta ezagutza probak uztartzen dituen ginkanan parte hartu nahi al duzu? Apirilaren 30ean izango da, 18:30ean, eta Plaza Nagusian hasiko dugu lehia. Goiztiri AEK euskaltegiko ikasleek eta animatzen diren herritarrek hartuko dute parte lehiaketan, modu nahasian taldekatuta. Irabazleek saritxoa izango dute, gainera.


Bai, parte hartu nahi al duzu, orduan? Baldintza bakarra dago: 16 urte edo gehiago izatea. Baldintza hori betetzen baduzu, eta euskaltegiko ikasleekin batera ondo pasatzeko prest bazaude, eman izena apirilaren 10erako. Izen-ematea honako toki eta moduetan egin liteke:

Ordiziako euskaltegia (Nafarroa Beherea 1)
943 88 91 74 
ordizia@aek.org

Beasaingo euskaltegia (Urbiale behea,7)
943 88 93 40
beasain@aek.org

Animatu!



Euskal pastela eta galletak egiten ikasi dugu

iritzia: 


Joan den ostegunean, pastel ikastaroa egin genuen Arriarango Intxaurpe elkartean Iñaki Lopez Castañares 'Pasteles' gozogilearekin. Euskal pastela egiten irakatsi zigun elkartean bildutako 35 lagunoi. Galletak ere egin zituen euskal pastelarentzat egindako orea aprobetxatuz. 


Guztiok adi-adi jarraitu genituen pauso guztiak eta baita oharrak hartu ere. Amaieran, euskal pastela eta galletak dastatu genituen giro ederrean eta  kontu kontari aritu ginen elkarrekin.Orain etxean jarri behar praktikan, ea zer moduzkoak ateratzen diren!