2012/03/26

Giro goxoa izan da Napoka Iriaren kontzertuan

Napoka Iriaren kontzertua izan genuen joan den ostiralean Beasaingo Igartza jauregian eta giro goxoa sortu zen bertan. Berrogei bat lagun elkartu ziren jauregian Miren Narbaizak eta Ander Mujikak osatutako bikotearen musika entzuteko. 'Lehertarazi edifizioak' diskoko zenbait kantu jo zituzten, eta baita ingelesezko pare bat abestiren bertsioak ere, tartean Cat Powerren 'Nude as the news'. Su ta Garren 'Zure atzetik' abestiaren moldaketa izan zen kontzertuko azken kantua, ukelelea eta kalinbarekin jo zutena, eta entzuleek ere abestu zuen eurekin batera. Jendea gustura atera zen kontzertutik, eta zenbaitzuk taldearen 'Lehertarazi edifizioak' diskoa erosteko probestu zuten kontzertuaren amaieran. Askorentzat Napoka Iriaren musika ezagutzeko aukera paregabea izan zen joan den ostiralekoa, eta harrituta geratu ziren bai musikarekin, eta baita Miren Narbaizaren ahotsarekin ere. Eskerrik asko kontzertura joan zineten guztioi , eta gure eskerrik beroenak Napoka Iriakoei. Ea hurrengo batean ere elkartzen garen!

2 iruzkin: